Articles

Friday, 12 April 2019

ဆရာတော် အရှင်ဆေကိန္ဒရဲ့  မှတ်သားဖွယ်ရာ စကားများ

ဆရာတော် အရှင်ဆေကိန္ဒရဲ့  မှတ်သားဖွယ်ရာ စကားများ google

(၁) စိတ်ဆိုးနေတဲ့အခါ ကောင်းတဲ့စိတ်နဲ့လဲလိုက်ပါ၊ ရှုပ်နေရင် ရှင်းတဲ့စိတ်၊ ပူနေရင် အေးတဲ့စိတ်၊ နောက်နေရင် ကြည်တဲ့စိတ်နဲ့ ချက်ချင်း လဲလိုက်ပါ။

(၂) ကောင်းတာကိုလုပ်ဖို့ လွယ်တယ်ဆိုရင် ကောင်းတဲ့လူ ၊ မကောင်းတာကိုလုပ်ဖို့ လွယ်တယ်ဆိုရင်??

(၃) သူများပေးစာ ကျွေးစာ တစ်ထောင်ဖိုး စားရတာထက် ကိုယ့်လုပ်စာ တစ်ကျပ်ဖိုးက ပိုပြီးမြိန်တယ်။

(၄) လေးစားထိုက်တဲ့သူရဲ့ စကားကိုမှ နားထောင်ကြတာာ။ ကိုယ့်စကား နားထောင်စေချင်ရင် လေးစားထိုက်အောင် နေပါ။

(၅) တခြားပစ္စည်းတွေကို ရောင်းလိုက်ရင် အရှုံးမဟုတ်ရင် အမြတ် ရသေးတယ်၊ စိတ်ချမ်းသာမှုကို ရောင်း စားရင် အရှုံးပဲ ရင်ဆိုင်ရမယ်။ စိတ်ချမ်းသာမှုကို ဘာနဲ့မျှ ရောင်းမစားပါနဲ့။

(၆) ကောင်းတဲ့အလုပ်ဟာ နောက်ကျတယ်ဆိုတာ မရှိဘူး။ မစရသေးတာပဲ ရှိတယ်။

(၇) စေတနာကောင်းကောင်းနဲ့ ပြည့်ပြည့်စုံစုံ ကျွေးလိုက်ရလို့ ဝမ်းသာတယ်ဆိုရင် သူစားနိုင်သလောက် စားတာကိုလည်း ကျေနပ်နိုင်ပါစေ။

(၈) မမှားသောရှေ့နေ မသေသော ဆေးသမား တဲ့ ဒီဖြေဆေးဟာ ဆေးယဉ်သွားရင် ရောဂါကျွမ်းတတ်တယ်၊ မမှားတာ အကောင်းဆုံးပဲ။

(၉) ဖြစ်ချင်တာကို ဦးစားပေးခဲ့လွန်းလို့ ဖြစ်နိုင်တာတွေပါ ဆုံးရှုံးလိုက်ရပြီ၊ ဖြစ်နိုင်တာကိုသာ ဦးစားပေးရင် ဖြစ်ချင်တာတွေပါ အားလုံးဖြစ်လာမယ်။

(၁၀) လုပ်သင့်တာကို မလုပ်မိရင် မလုပ်သင့်တာကို လုပ်မိနေတတ်တယ်။

(၁၁) မြင်တဲ့အတိုင်း အမှန်ဖြစ်မှ အမှန်အတိုင်း မြင်တယ်လို့ခေါ်တယ်။ မြင်တဲ့အတိုင်း မှန်၊ မမှန်ကြားတဲ့အတိုင်း မှန်၊ မမှန် ဆန်းစစ်ရမယ်။

(၁၂) အရာရာကိုအောင်မြင်နိုင်ဖို့ မိမိရဲ့ အရာရောက်မှုကို မြှင့်တင်ပေးရမယ်။

(၁၃) အဟုတ်ပါလားလို့ ထင်တားသမျှတွေဟာ လွဲနေတတ်သလို မဟုတ်ဘူးလို့ မြင်သမျှတွေကလည်း မှန်နေတတ်ပြန်တယ်။

(၁၄) ကိုယ့်စကားကို သူ နားထောင်စေချင်ရင် သူ့ စကားကို အရင် သေသေချာချာ နားထောင်ပေးလိုက်ပါအုံး။

(၁၅) အရေးအကြီးဆုံး ဆိုတာတွေဟာ ဘာမျှမဟုတ်ပါလား လို့ နားလည်ပြီးတော့ ဘာမျှ မဟုတ်တဲ့သဘော ကို သိဖို့က အရေးကြီးဆုံးပါပဲ။

(၁၆) ကိုယ်ဖြစ်ချင်တာတွေသာ ရှေ့တန်းတင်ရင် ကိုယ့်အတွက် အဆင်ပြေသလို ထင်ရပေ့မယ့်အများနဲ့တော့ အဆင်ပြေဖို့ မလွယ်ပါဘူး။

(၁၇) ကလေးမှားရင် တစ်ပြား၊ လူကြီးမှားရင် တစ်ဆယ်၊ဘယ်အမှားမှ မကောင်းဘူး။တစ်ဆယ်က ပိုဆိုးတယ်။

(၁၈) မေတ္တာပို့နေရုံနဲ့ မဖြစ်သေးဘူး၊ မေတ္တာ ဓာတ်တွေ ရှိနေဖို့က လိုအပ်တယ်။

(၁၉) ဖြစ်လည်းဖြစ်ချင်တယ်၊ ဖြစ်လည်းဖြစ်သင့်တယ်၊ ဆိုရင်တောင်မှ ဖြစ်နိုင်တာကို ရွေးပြီးလုပ်ပါ။

(၂၀) ဖစ်ချင်တိုင်း ဓိဌာန်ရင် အောင်မြင်ဖို့မလွယ်ဘူး ဖြစ်နိုင်တာကို ကြိုးစားမှ အဓိဌာန် အောင်မြင်မယ်။

(ဓမ္မဒူတ အရှင်ဆေကိန္ဒ)

Credit to Thaw Thaw.

Read 316 times Last modified on Friday, 12 April 2019 12:55
Rate this articles
(0 votes)