Articles

Saturday, 27 July 2019

"အချစ်တွေရင့်ကျက်သွားတဲ့အခါ"

"အချစ်တွေရင့်ကျက်သွားတဲ့အခါ" google.com

ကျွန်တော်တို့အိမ်မှာ ကြောင်လေး နှစ်ကောင် မွေးထားပါတယ်။ ဒီတော့ သူတို့ရဲ့ ဒဏ်တွေ ခံရသပေါ့။

ပစ္စည်းတွေပေါ် အညစ်အကြေးတွေ စွန့်သွားတယ်။ ကျွန်တော်တို့ ကုတင်တွေပေါ် တက်အိပ်တယ်။ ကြောင်မွှေးတွေက နေရာအနှံ့။ အစာဖိုးတွေလည်း ကုန်မှကုန်။

ဒါဖြင့် မေးမယ်။ ဘာလို့ မွေးထားသေးလဲ ဆိုရင်တော့ ကျွန်တော့်အဖေနဲ့ အမေကြောင့်လို့ ဖြေရမှာပဲ။

သူတို့က အသက်အားဖြင့် ၆၀ ၀န်းကျင်တွေ ဖြစ်လာတယ်။ ကျွန်တော်တို့က မိုးလင်းမိုးချုပ် အပြင်မှာ။ ညီဖြစ်သူက ရန်ကုန်ဆေးရုံကြီးမှာ အရိုးအထူးကုဘွဲ့လွန် တက်နေတော့ ညီအစ်ကိုချင်းတောင် သိပ်မတွေ့ဖြစ်။ ကျွန်တော်ဆိုလည်း စနေ၊ တနင်္ဂနွေတောင် အိမ်မှာ ရှိချင်တာ မဟုတ်ဘူး။ ဒါကလည်း ကြိုးစားရုန်းကန်ရမယ့် အရွယ်တွေ ရောက်နေတာကိုး။

ဒီတော့ သူတို့မှာ အဖော်ဆိုလို့ ဒီကြောင်နှစ်ကောင်ပဲ ရှိတယ်။ တခြားမိဘတွေလိုလည်း ခရီးထွက်ရတာ၊ အပြင်သွားရတာ ၀ါသနာပါသူတွေ မဟုတ်ဘူး။ ဒီကြောင်နှစ်ကောင်ကိုပဲ ကလေးတွေလို သဘောထားပြီး တစ်နေ့တစ်နေ့ အဖော်လုပ်နေကြရတာ။

ဒီအခါ ကိုယ်က မိဘကို ချစ်တယ်။ စိတ်ချမ်းသာစေချင်တယ်။ ဒီတော့ ဒီကြောင်လေးနှစ်ကောင်ကိုပါ လိုက်ချစ်ပေးရတယ်။ ဒီကြောင်လေးတွေကို ဘာဖြစ်တယ် ညာဖြစ်တယ် ဆိုပြီး ပြောနေတာသည် အဖေနဲ့ အမေကို စိတ်ကျဉ်းကြပ်စေတာနဲ့ အတူတူပဲ။

တစ်ခါက အစ်ကိုတစ်ယောက်နဲ့ စကားပြောဖြစ်တယ်။ သူက အိမ်ထောင်သည်။ မိန်းမဖြစ်သူနဲ့က အဆင်မပြေတာလေးတွေ ရှိတယ်။ အထူးသဖြင့်တော့ ပိုက်ဆံကိစ္စ။ သူက ငွေကို စစ်စစ်စီစီ သုံးချင်တယ်။ သူ့မိန်းမက စာရင်းမရှိ အင်းမရှိ။ နောက်ပြီး သူ့မိန်းမရဲ့ သူငယ်ချင်းမတစ်ယောက်ကို သူက ကြည့်မရဘူး။ အဲဒါနဲ့ ပတ်သက်လို့လည်း ပြဿနာ မကြာခဏ တက်ခဲ့ဖူးတယ်။

ဟိုရက်ကတော့ သူ့မိန်းမကို Anniversary လက်ဆောင်ဆိုပြီး ငွေ ၅ သိန်း ပေးသတဲ့။ အဲဒါနဲ့ မေးကြည့်တယ်၊ အစ်ကိုက ဒီလောက်ငွေကြေးကို စိစစ်တာ၊ ခုကျမှ ဘယ့်နှယ့်လုပ် ပေးတာလဲဆိုတာ့ သူ့မိန်းမရဲ့ သူငယ်ချင်းက ငွေအခက်အခဲ ဖြစ်နေတယ်၊ သူ့မိန်းမကလည်း ကူညီပေးချင်နေတယ်၊ ဒါကို သူသိလို့ ပေးလိုက်တာတဲ့။ အဲဒီသူငယ်ချင်းကိုတော့ ကြည့်မရဘူး၊ ကူညီပေးချင်စိတ်လည်း မရှိဘူး။ ဒါပေမဲ့ သူ့မိန်းမ ပျော်အောင်လို့ ပေးတာ။

ငါ့ဘက်က ပေးလိုက်ပြီပဲကွာ၊ သူ့ဟာသူ ပိုက်ဆံအိတ်ပဲ ၀ယ်ဝယ်၊ ခရီးပဲ ထွက်ထွက်၊ သူ့ဟာသူ လုပ်ချင်ရာလုပ်၊ သူ ပျော်ရင်ပြီးတာပဲ တဲ့။ စဉ်းစားကြည့်မိတယ်။ တကယ်လို့ သူသာ ၅ သိန်းတန် ပစ္စည်းတခုခု ပေးကြည့်၊ သူ့မိန်းမ ဒီလောက်ပျော်မှာ မဟုတ်ဘူး။ ခုတော့ သူကူညီပေးချင်နေတဲ့ သူ့သူငယ်ချင်းကို ကူညီပေးလို့ ရသွားပြီ။ ယောကျာ်းဖြစ်သူကလည်း သူ့မိန်းမ စိတ်ချမ်းသာနေတာ တွေ့ရလို့ ကျေနပ်သွားပြီ။

အရင်စိတ်နဲ့ဆို ငါ ရှာတဲ့ပိုက်ဆံက မင်းသူငယ်ချင်းအတွက် မဟုတ်ဘူးလို့ ပြောမိလိမ့်မယ်။ ခုတော့ သူ့မိန်းမရဲ့ စိတ်ကို ပြင်မရမယ့်အတူတူ လက်ခံပေးနိုင်အောင်ပဲ ကြိုးစားလိုက်တဲ့ သဘောပေါ့။ အဲဒီသူငယ်ချင်းကို လိုက်ချစ်ပေးလောက်တဲ့အထိတော့ မဟုတ်ဘူး။ သူလည်း လူပဲကိုး။ ဒါပေမဲ့ ဒီသူငယ်ချင်းကို တအားချစ်နေတဲ့ မိန်းမရဲ့စိတ်ကိုတော့ နားလည်ခွင့်ပြုပေးလိုက်တယ်။ ရလဒ်အနေနဲ့ နှစ်ယောက်စလုံးလည်း ပျော်ရွှင်ရတယ်။

ဒီကောင်မလေးကို ကြည့်မရပေမဲ့ ကိုယ့်သားက သူမှသူ ဖြစ်နေတော့ ချွေးမအဖြစ် လက်ခံပေးလိုက်တာမျိုး၊ ဒီကောင်လေးနဲ့ မဖြစ်စေချင်ပေမဲ့ ကိုယ့်ညီမမျက်နှာနဲ့ အလိုက်အထိုက် စကားပြောပေးတာမျိုးတွေဟာ ဒီသဘောတရားပဲပေါ့။

ကိုယ်တစ်ယောက်တည်းတောင် အမျိုးမျိုး ပြောင်းလဲနေတာကို ကိုယ်နဲ့ တိုင်းချုပ်ထားသလို အံဝင်ခွင်ကျ ဖြစ်နေတဲ့ လက်တွဲဖော်ရယ်လို့တော့ တွေ့ဖို့ ခဲယဉ်းတာပေါ့။ အဲ့လို ကံကောင်းတဲ့သူတွေလည်း ရှိပါတယ်။ အားကျစရာလည်း ကောင်းတယ်။ ဒါပေမဲ့ အားကျတိုင်းလည်း အဲ့အတိုင်း လိုက်ဖြစ်တာမှ မဟုတ်တာ။ လူဆိုတာ ဘဝက ကိုယ့်ကို ပေးလာတဲ့ ပုစ္ဆာကိုပဲ ဖြေရတာပဲကိုး။ သူများပုစ္ဆာ သွားဖြေချင်လို့ မရတာ။

ဒီတော့ ‘တစ်ယောက်ကိုတစ်ယောက် သိပ်ချစ်ပါတယ်’ အစား ‘နှစ်ယောက်ကြားက မတူညီမှုတွေကို ဘယ်လောက်ထိ လက်ခံပေးနိုင်သလဲ’ ဆိုတာက ပိုအဓိကကျတယ်လို့ ထင်မိတယ်။ ဒါကိုပဲ နားလည်မှု လို့ ပြောကြတာ ဖြစ်မယ်။

တချို့သော Relationship တွေက လူနဲ့ ကြောင် တစ်အိမ်တည်း နေသလိုပဲ။ သဘာဝချင်း မတူတဲ့သူတွေမို့ အတူနေရတာ ဘယ်လိုမှ အဆင်မပြေဘူး။ ဒါကလည်း ဘယ်သူ့မှာမှ အပြစ်ရှိတာ မဟုတ်ဘူး။ ကြောင်ကလည်း ကြောင်အတိုင်း၊ လူကလည်း လူအတိုင်း နေနေတာပဲ။ ဒါပေမဲ့ အဲ့လိုနေနေတာကိုက တစ်ယောက်ကို တစ်ယောက် မရည်ရွယ်ပါဘဲနဲ့ နာကျင်နေစေတာ။

ဒီအခါ ချစ်လို့ ဆိုပြီး အတင်းဇွတ်မှိတ် နေနေတာက နှစ်ယောက်စလုံးကို ထိခိုက်စေတယ်။ ကိုယ့်ဆီ လာရောက်မယ့် သားသမီးတွေကိုလည်း စိတ်ဒဏ်ရာရစေမယ်။ အရင်ဆုံးတော့ လက်ခံပေးနိုင်အောင် ကြိုးစားကြည့်။ ကြောင်နှစ်ကောင်ဆို အဆင်ပြေတယ်၊ ကြောင်ရှစ်ကောင်ဆို ဘယ်လိုကြိုးစားကြိုးစား မပြေတော့ဘူး။ အိမ်နောက်ဖေးမှာ သူတို့ အညစ်အကြေးစွန့်ထားလို့ အနံ့နံတာက ရတယ်။ လပ်ပ်တော့ပေါ် အပေါ့စွန့်သွားရင်တော့ မရတော့ဘူး။ အဲ့လိုအဆင့်မျိုး ဆိုရင်တော့ အေးအေးချမ်းချမ်း လမ်းခွဲလိုက်ကြပေါ့။ ဘ၀ဆိုတာ တိုတိုလေးပါ။ အဆင် ဘယ်လိုမှ မပြေနိုင်တာကို ဇွတ်ကြိုးစားမနေပါနဲ့။

ပျော်ရွှင်သာယာတဲ့ Healthy relationship ဖြစ်ဖို့အတွက် လူကလည်း ကြောင်ကို ချစ်တယ်ဆို ကြောင်သဘာဝကို လက်ခံပေးရမှာ ဖြစ်သလို၊ ကြောင်ကလည်း လူကို ကြီးကြီးမားမား ထိခိုက်စေရအောင် မလုပ်နဲ့ပေါ့။

များသောအားဖြင့်တော့ ကျွန်တော်တို့တွေဟာ ဆက်ဆံရေးတွေ အဆင်ပြေစေဖို့ တစ်ဖက်သားကို ပြောင်းလဲလာစေချင်ကြတယ်။ ကောင်မလေးက ကောင်လေးကို၊ မိဘက သားသမီးကို၊ သားသမီးက မိဘကို၊ ယောကျာ်းက မိန်းမကို စသဖြင့်။ ဒါပေမဲ့ မြင်မိသလောက်တော့ အဲ့လိုပြောင်းလဲသွားတာထက် အရှိအရှိအတိုင်း လက်ခံပေးလိုက်လို့ အဆင်ပြေသွားကြတာကသာ ပိုများတယ်။

ဒါကြောင့် ကိုယ့်ကိုယ်ကိုယ်တောင် ပြောင်းလဲသင့်နေတာ သိသိကြီးနဲ့ မပြောင်းလဲနိုင်သေးတာတွေ အများကြီး ဖြစ်နေတဲ့ အချိန်မှာ သွေးမတော် သားမစပ် လူတစ်ယောက်ကို ကိုယ့်အချစ်နဲ့ ပြောင်းလဲပစ်မယ် ဆိုတာက ၀တ္ထုသိပ်ဆန်လွန်းပါတယ်။

လူတိုင်းနီးပါး ငယ်ငယ်ကတော့ အဲ့လိုတွေးခဲ့ဖူးလိမ့်မယ်။ တကယ်တမ်း အရွယ်တစ်ခု ရောက်လာတဲ့အခါမှာတော့ အဲ့လိုပြောင်းလဲခိုင်းမယ့်အစား ကိုယ့်ဘက်က လက်ခံပေးနိုင်အောင်ပဲ ကြိုးစားလိုက်တာက ပိုလက်တွေ့ကျတယ်ဆိုတာ မြင်လာမိတယ်။ ကိုယ်တွေကြားမှာ ဘယ်လောက်ထိ ခြားနားမှု ရှိသလဲ၊ အဲဒါတွေကို ဘယ်အတိုင်းအတာထိ လက်ခံပေးနိုင်မလဲ ဆိုတာက Relationship တစ်ခု တည်မြဲခြင်း၊ ချမ်းမြေ့ခြင်း၊ သာယာခြင်းတို့အတွက် အဖြေတစ်ခု ဖြစ်လာမယ်လို့ ထင်ပါတယ်။

ဒီစာကို တချို့လည်း သဘောကျမယ်။ တချို့လည်း ချင်း(ဂျင်း)စာတွေလို့ ပြောလိမ့်မယ်။ လက်ခံပါတယ်။ ဘာလို့ဆိုတော့ ဒါတွေက သိပ္ပံနည်းကျ လေ့လာထားတာမှ မရှိတာ။

ကျွန်တော်တို့အားလုံးဟာ မျက်မမြင်ပုဏ္ဏား ၆ ယောက်လို ဆင်စမ်းသလို ကိုယ်ထင်ရာ ကိုယ်ပြောနေကြတာပဲ။ ဒီစာကလည်း အဲ့လိုပဲ၊ အိမ်ထောင်ရေး ဆိုတာကို သိပ်အယုံအကြည်မရှိလှတဲ့ အသက် ၂၉ နှစ်အရွယ် အမျိုးသားတစ်ယောက်ရဲ့ ဖြတ်သန်းမှုနဲ့ အတွေ့အကြုံတွေပေါ် အခြေခံပြီး ထွက်လာတဲ့ အမြင်လို့ပဲ သဘောထားပြီး ဖတ်ကြည့်စေချင်တာပါပဲ။



ရေးသားသူ - ဒါက်တာ ဖြိုးသီဟ

Sayar.com.mm

Read times
Rate this articles
(1 Vote)