Knowledge

Thursday, 26 July 2018

စိတ်ကျရောဂါဝင်နေပြီဆိုတာ သိနိုင်တဲ့အချက် ၁၀ ချက်

စိတ်ကျရောဂါဝင်နေပြီဆိုတာ သိနိုင်တဲ့အချက် ၁၀ ချက် google.com

လူတိုင်းရဲ့ နေ့စဉ်ဘဝမှာ စိတ်ညစ်စရာတွေဆိုတာကတော့ အနည်းနဲ့အများဆိုသလိုရှိကြမှာပါ။ ဒါပေမယ့် ကိုယ့်ကိုယ်ကိုယ် မျှော်လင့်ချက်မဲ့လာသလို၊ စိတ်ပျက်လာတာမျိုးတွေ ဘယ်လိုဖြေဖျောက်ဖျောက် ခံစားနေရပြီဆိုရင်တော့ စိတ်ကျနေတာသေချာပါပြီ။

စိတ်ဓါတ်ကျနေပြီဆိုတာနဲ့ ကိုယ့်နေ့စဉ်လုပ်ငန်းဆောင်တာတွေ ပျက်ယွင်းလာပြီး ဘဝမှာ အရင်လိုနေမပျော်တော့တာမျိုးတွေဖြစ်လာတတ်ပါတယ်။ နောက်ဆက်တွဲအနေနဲ့ အဆုံးစီရင်မိတဲ့အထိ မလိုလားအပ်တဲ့ ဆိုးကျိုးတွေဖြစ်လာနိုင်တာမို့ စိတ်ကျခြင်းရဲ့ ရောဂါလက္ခဏာတွေကို သိရှိထားမှသာ ဆောင်ရန်ရှောင်ရန်တွေပြင်ဆင်နိုင်ပြီး လူကောင်းတစ်ယောက်အဖြစ် ဘဝကိုပြန်လည်ထူထောင်နိုင်မှာပါ။ ဒါဆိုရင်တော့ စိတ်ကျရောဂါဝင်နေပြီလား သိနိုင်ဖို့ အောက်ကဖော်ပြထားတဲ့အချက်တွေနဲ့ ကိုယ်လတ်တလောကြုံတွေ့နေရတာတွေ တိုက်ဆိုင်မဆိုင် တိုက်ကြည့်ကြရန် တင်ပြပေးလိုက်ပါတယ်။


စိတ်ကျခြင်းရဲ့ ရောဂါလက္ခဏာများ

(၁) အကူအညီမဲ့နေသလို မျှော်လင့်ချက်မဲ့လာသလို ခံစားရလာပါတယ်။

ဘယ်အရာကမှ ပြန်အဆင်ပြေသွားတော့မှာ မဟုတ်သလိုလို ၊ ကိုယ့်အခြေနေပြန်လည်ကောင်းမွန်လာဖို့ နည်းလမ်းမရှိတော့သလို ခံစားချက်တွေ ခံစားလာရတာမျိုးပါ။


(၂) နေ့စဉ်လုပ်ငန်းဆောင်တာတွေမှာ စိတ်ဝင်စားမှု လျော့နည်းလာပါမယ်။

ကိုယ့်ဝါသနာတွေ၊ လူမှုရေးကိစ္စတွေ၊ ယုတ်စွအဆုံး လိင်မှုကိစ္စမှာပါ စိတ်ဝင်စားစိတ်မရှိတော့တာမျိုးပါ။ ဘဝမှာ ပျော်ရွှင်ဖို့ ၊ ကြည်နူးဖို့စွမ်းအင်တွေပါ ကုန်ဆုံးသွားတာပါ။


(၃) အစာစားချင်စိတ်လျော့နည်းလာမယ်။ ကိုယ်အလေးချိန်ကျလာမယ်။

သိသိသာသာကိုယ်အလေးချိန်တွေကျလာရာကနေ တစ်လတစ်လကို ခန္ဓာကိုယ်အလေးချိန်ရဲ့ ပျမ်းမျှ 0.5 % ထိ ကျလာတာမျိုးပါ။


(၄) အိပ်ချိန်တွေ ပြောင်းလာမယ်။

အိပ်မပျော်တာတွေ အထူးသဖြင့် မနက်အစောကြီးနိုးနေတာမျိုးတွေ ၊ အလွန်အကျွံအိပ်နေတာမျိုးတွေ၊ ညနက်ထိ အိပ်မပျော်တာတွေက အဓိကပါပဲ။

 

Recommended for you - အစဉ်အလာကြီးမားတဲ့ Harvard University မှာ MBAဘွဲ့ကို ပညာသင်ဆုနဲ့ သင်ယူနိုင်မယ့် အခွင့်အရေး


(၅) ဒေါသတွေထွက်လာမယ်။ သည်းခံနိုင်စိတ်တွေ လျော့နည်းလာမယ်။

အကြောင်းကိစ္စသေးသေးလေးနဲ့လည်း သည်းမခံနိုင်တာမျိုး၊ ရှုးရှုးရှုားရှုားဒေါသထွက်လာတာမျိုး၊ တစ်ခုခုဆို ပေါက်ကွဲလွယ်တာမျိုးတွေဖြစ်လာတတ်ပါတယ်။ အကြောင်းကိစ္စတိုင်း၊ လူတိုင်းက ကိုယ့်ကို စိတ်အနှောင့်ယှက်ဖြစ်လာစေတာမျိုးတွေပါ။


(၆) စွမ်းအင်တွေကုန်ဆုံးလာမယ်။

ဘာမှ ပင်ပင်ပန်းပန်းမလုပ်ဆောင်ရသေးဘဲလည်း မောပန်းနွမ်းလျလာမယ်။ ပင်ပန်းလာမယ်။ တစ်ကိုယ်လုံးလေးလံထိုင်းမှိုင်းလာသလို၊ အလုပ်သေးသေးလေးကအစ ပြီးဆုံးဖို့ အရမ်းကြာမြင့်နေတာမျိုးပါ။


(၇) ကိုယ့်ကိုကိုယ်စက်ဆုပ်မုန်းတီးနေခြင်း

ကိုယ့်ကိုကိုယ်ဘာတန်ဖိုးမှမရှိတော့ဘဲ အပြစ်ရှိနေသလို စိတ်မလုံခြုံဖြစ်နေတာမျိုးပါ။ ဘဝမှာ ဖြစ်ခဲ့သမျှအမှားတွေအတွက် ကိုယ့်မှာပဲ အပြစ်ရှိနေသလို ကြီးကြီးမားမား စိတ်ဖိစီးလာတာမျိုးပါ။


(၈) နမော်နမဲ့နိုင်လာခြင်း

ကိုယ့်လုပ်ရပ်တွေက ကျိုးကြောင်းဆီလျော်မှုမရှိဘဲ မိုက်ရူးရဲဆန်လာခြင်း၊ အထူးသဖြင့် အန္တရာယ်များတဲ့ ဂိမ်းတွေ ကစားတာမျိုး၊ အရှိန်ပြင်းပြင်း ကားမောင်းတာမျိုး၊ လောင်းကစားတစ်ခုခုကိုစွဲမြဲနေအောင်လောင်းတာမျိုးတွေ လုပ်မိနေတာကို ဆိုလိုတာပါ။


(၉) အာရုံစူးစိုက်မှုလျော့နည်းလာခြင်း

အာရုံစူးစိုက်မှုတွေ ဝေဝါးလာခြင်း၊ ဆုံးဖြတ်ချက်ချရာမှာ မပြတ်သားတော့ခြင်း၊ မှတ်မိနိုင်စွမ်းတွေ လျော့ကျလာခြင်းတွေပါ။


(၁၀) ဖော်ပြလို့မရတဲ့ နာကျင်ကိုက်ခဲမှုတွေ

ခေါင်းကိုက်တာတွေ၊ ကျောအောင့်တာတွေ၊ ကြွက်သားတွေနာကျင်တာတွေ၊ အစာအိမ်က အောင့်လာနာလာတာမျိုးတွေ ပြင်းပြင်းထန်ထန်ဖြစ်လာတာမျိုးတွေပါ။


ဒီ ၁၀ ချက်နဲ့ ကိုယ့်အခြေအနေကကိုက်ညီနေပြီဆိုရင်တော့ ကိုယ့်မှာ စိတ်ကျရောဂါဝင်ရောက်နေပါပြီ။ တစ်စထက်တစ်စပိုမိုဆိုးရွားမလာစေဖို့ စိတ်ကျန်းမာရေးဆရာဝန်တစ်ယောက်နဲ့ ဆွေးနွေးတိုင်ပင်ရင်ဖွင့်ပြီး ကုသမှုကို ထိထိရောက်ရောက်ခံယူသင့်ပါတယ်။ ဘဝမှာ နေပျော်စေမယ့် အကြောင်းအရာတွေကို စဉ်းစားပြီး အကောင်းမြင်စိတ်ကို တဖြည်းဖြည်းပိုမိုမြှင့်တင်သင့်ပါတယ်။ ဒါမှသာ စိတ်ရောကိုယ်ရောကျန်းမာတဲ့လူတစ်ယောက်အနေနဲ့ ဘဝမှာ ပျော်ပျော်ရွှင်ရွှင်ရှင်သန်သွားနိုင်မှာပါ။

 

Recommended for you - အိမ်မက်ဆိုတာဘာလဲ

 

Recommended for you - ဘွဲ့ရအောက်ခြေ၀န်ထမ်းများကို ဆရာ၊ ဆရာမများအဖြစ် လျှောက်ထားခွင့်ပေးရန် ပညာရေးဝန်ကြီးဌာနသို့တင်ပြထားပြီ

 

Credit; akhayar

Read times Last modified on Friday, 10 January 2020 11:29
Rate this articles
(3 votes)