လူတိုင်းလူတိုင်း တစ်ရက်မှာ (၂၄) နာရီပဲ ရရှိကြပါတယ်။ Doctor Strange တို့၊ Doctor Who တို့လို အချိန်ကိုပိုင်စိုးတဲ့ သူတွေကလွဲပြီး ဘယ်သူမှ တစ်ရက်ကို (၂၄) နာရီထက် ပိုမရကြပါဘူး။
သက်တမ်းစေ့ နေသွားနိုင်မယ့် သာမန်လူတစ်ယောက်ဟာ သူ့ဘဝရဲ့အချိန်တွေကို အောက်ဖော်ပြပါအချက်တွေကို လုပ်ဆောင်ရင်းအချိန်ကုန်ဆုံးရပါတယ်။ ဘယ်လိုအရာမျိုးတွေက တန်ဖိုးရှိလှတဲ့အချိန်တွေကို သုံးစွဲနေတာကို သိထားရင် အချိန်ကိုပိုမိုတန်ဖိုးထားတတ်တဲ့ အလေ့အကျင့်ဖြစ်လာမယ်လို့လည်း မျှော်လင့်ပါတယ်။
၁။ အိပ်စက်ခြင်း
လူတိုင်းလူတိုင်း အသက်ဇီဝဓာတ်တည်ရှိနေနိုင်ဖို့အတွက် အိပ်စက်ခြင်းကအရေးကြီးပါတယ်။ ပုံမှန်လူတစ်ယောက်ဟာ တစ်နေ့ကို (၈) နာရီလောက် ပျမ်းမျှအိပ်တယ်လို့ ယူဆကြမယ်ဆိုရင် သူ့ဘဝရဲ့ အချိန်နာရီပေါင်း (၂၂၉၉၆၁) နာရီကို အိပ်စက်ခြင်းအတွက် အသုံးပြုတယ်လို့ တွက်ချက်လို့ရပါတယ်။ တစ်နည်းအားဖြင့် ဒါဟာ ဘဝရဲ့ (၃) ပုံ (၁) ပုံအချိန်လည်း ဖြစ်ပါတယ်။
၂။ အစာစားခြင်း
စားဝတ်နေရေး ဆိုတဲ့အတိုင်း အစာစားခြင်းဟာလည်း လူသားတစ်ယောက်အတွက် မဖြစ်မနေလိုအပ်တဲ့အရာတစ်မျိုးပါပဲ။ ကြိုက်မရှက်၊ ငိုက်မရှက်၊ ငတ်မရှက် ဆိုတဲ့ ဆိုရိုးစကားလည်းရှိပါတယ်။ ကြိုက်လို့ ရှက်ရင်သာရှိမယ်။ ငိုက်လို့ရှက်ရင်သာရှိမယ်။ ငတ်ရင်တော့ ဘယ်သူမှရှက်မနေနိုင်ကြတော့ပါဘူး။
အမေရိကန်နိုင်ငံမှာပြုလုပ်ခဲ့တဲ့ သုတေသနတစ်ခုအရဆိုရင် လူတစ်ယောက်ဟာ တစ်နေ့မှာပျမ်းမျှ (၆၇) မိနစ်ကို စားဖို့သောက်ဖို့အတွက် အသုံးပြုပါသတဲ့။ စုစုပေါင်းလိုက်ရင် လူတစ်ယောက်ဟာ သူတို့ဘဝမှာ စုစုပေါင်း (၃၂၀၉၈) နာရီကို အစာရေစာ စားဖို့သောက်ဖို့ အသုံးချခဲ့တယ်လို့ တွက်ချက်နိုင်ပါတယ်။
၃။ အလုပ်လုပ်ခြင်း
အလုပ်လုပ်ခြင်းက ဘဝရဲ့တစ်စိတ်တပိုင်းပါပဲ။ မိဘကချမ်းသာလို့ ဆယ်သက်စားမကုန်အောင်ချမ်းသာတဲ့ စည်းစိမ်ကို ပိုင်ဆိုင်ထားသူတွေတောင် ဒီနေ့ခေတ်ကြီးထဲမှာ ကုမ္မဏီထောင်၊ CEO တက်လုပ်ပြီး အလုပ်လုပ်ကြပါတယ်။ ကျွန်တော်တို့လို သာမန်လူတန်းစားလေးတွေဆို ပြောမနေပါနဲ့တော့။ တစ်လလုံးလုပ်မှ လလည်လောက်ထိခံ၊ လကုန်ခါနီးရက်တွေဆို ဘိုင်ပြတ်၊ လစာပြန်ထုတ်၊ အကြွေးပြန်ဆပ်နဲ့ သံသရာလည်နေရရှာတဲ့ corporate worker လေးတွေဆို တစ်ပတ်မှာ နာရီ (၄၀) နဲ့ (၄၈) နာရီကြား ပျမ်းမျှအလုပ်လုပ်ရပါတယ်။ ဒါဟာ ယေဘုယျအားဖြင့် အသက် (၂၀) ကနေ (၆၅) နှစ်ကြားပါ။
ကုမ္မဏီဝန်ထမ်းတွေသာမက အစိုးရဝန်ထမ်းတွေလည်း တူတူပါပဲ။ ပြီးရင်တော့ တစ်နှစ်ကို (၂) ပတ် နားရက်ရပါတယ်။ ဒီတော့ ပျမ်းမျှတွက်ချက်ကြည့်လိုက်မယ်ဆိုရင် လူတစ်ယောက်ဟာ သူ့ဘဝရဲ့ အချိန်နာရီပေါင်း (၉၀၃၆၀) နာရီကို အလုပ်လုပ်ခြင်းဖြင့် ကုန်ဆုံးနေရပါတယ်။
၎။ အင်တာနက်သုံးခြင်း
သိပ်မကြာသေးခင်ဆယ်စုနှစ်တွေတုံးက အင်တာနက်ဟာအလွန်ကျယ်ပြန့်လာခဲ့ပြီး ကျွန်တော်တို့ရဲ့နေ့စဉ်ဘဝမှာ မရှိမဖြစ်လို ဖြစ်လာခဲ့ပါတယ်။ အင်တာနက် အွန်လိုင်းပေါ်မှာပဲ ကျွန်တော်တို့တွေ အလုပ် လုပ်တယ်။ ဈေးဝယ်တယ်။ အသိမိတ်ဆွေဖွဲ့တယ်။ ဂိမ်းတွေကစားတယ်။ ပညာသင်ယူတယ်။ သတင်းတွေဖတ်တယ်။ နောက်တခြားမရေမတွက်နိုင်တဲ့ လုပ်ဆောင်မှုတွေကို ပြုလုပ်ကြပါတယ်။
၂၀၁၀ ခုနှစ်တုံးက ပြုလုပ်ခဲ့တဲ့ သုတေသနတစ်ခုအရဆိုရင် ပျမ်းမျှအမေရိကန်လူမျိုးတစ်ယောက်ဟာ တစ်လမှာ (၃၂) နာရီကို အွန်လိုင်းပေါ်မှာအချိန်ဖြုန်းပါသတဲ့။ ဒါဟာ ပျမ်းမျှတွက်ထားတာမျှသာဖြစ်ပြီး တချို့လူတွေရဲ့ တစ်လအွန်လိုင်းသုံးချိန်က ဒီထက်အများကြီးပိုများနိုင်ပါတယ်။ ပျမ်းမျှတွက်ချလိုက်မယ်ဆိုရင်တော့ လူတစ်ယောက်ဟာ သူ့ဘဝမှာ စုစုပေါင်း (၂၈၃၀၀) နာရီကို အွန်လိုင်းပေါ်မှာ အချိန်ဖြုန်းပါတယ်။ အခု ၂၀၁၇ ခုနှစ်မှာ လူတွေရဲ့အွန်လိုင်းပေါ်မှာအသုံးချလိုက်တဲ့အချိန်ဟာ ပိုများလာဖို့ပဲ ရှိပါတယ်။
၅။ တီဗီကြည့်ခြင်း
တီဗီကြည့်တယ်ဆိုတာ တကယ်တော့ စိတ်အပန်းဖြေနည်းတစ်မျိုး၊ ဖျော်ဖြေရေးတစ်မျိုးပါပဲ။ ပုံမှန်အားဖြင့်တော့ လူတစ်ယောက်ဟာ အားလပ်ချိန်ရဲ့ (၂.၈) ရာခိုင်နှုန်းကို တီဗီအစီအစဉ်တွေကြည့်ရင်း အချိန်ကုန်ဆုံးတတ်ပါသတဲ့။ (ယနေ့ခေတ်မှာတော့ smart TV နဲ့တွဲကြည့်တဲ့ Netflix ကနေ ရုပ်ရှင်ကြည့်တာတွေကိုပါ ထည့်သွင်းစဉ်းစားထားပါတယ်။) ဒီလိုနဲ့ပျမ်းမျှတွက်ကြည့်လိုက်မယ်ဆိုရင် လူတစ်ယောက်ဟာ သူ့ဘဝရဲ့ (၉) နှစ်အချိန် (၈၀၄၈၆ နာရီ) ကို တီဗီကြည့်ရင်း အချိန်ဖြုန်းတတ်ကြပါသတဲ့။
Source: blog.tempo
