Knowledge

Saturday, 16 February 2019

သင့်ကို နောက်ကျပြီလို့ ဘယ်သူပြောလဲ ?

လူအများအပြားကို အလွန်နှိပ်စက်ခြောက်လှန့်တတ်သည့် စကားတစ်ခွန်းရှိသည်။ အဲ့ဒါကတော့ “ သိပ်နောက်ကျသွားပြီ ” ဆိုသော စကားပါ။


အထက်တန်းကျောင်းသားဘဝမှ ကျောင်းထွက်လာခဲ့ပြီး အလုပ်ကြမ်းတွေလုပ်နေရခြင်းအတွက် စိတ်မသက်မသာ ဖြစ်နေသည်။

ခုနေကျောင်းပြန်တက်ပြီး အတန်းပညာပြည့်စုံအောင် သင်လို့ရရင် သိပ်ကောင်းမှာပဲဟု တွေးသည်။ သို့သော် “ ခုတော့ နောက်ကျနေပါပြီ ” တဲ့။

ဒီနောက်ကျပါတယ်ဆိုတဲ့စကားကို ကျွန်တော်တို့ လူမှုပတ်ဝန်းကျင်မှာ ထမင်းစားရေသောက်သဖွယ် လွယ်လွယ်ကူကူကို ပြောဆိုလာကြတာပါ။

လုပ်ငန်းခွင်ထဲမှာဆိုလျှင်လည်း ဒီလိုပါပဲ။ အခုခေတ်မှာဆိုလျှင် ကိုယ့်ထက်ငယ်သူတွေရဲ့နောက်ကို အမှီလိုက်နိုင်ပါမှ နေရာတစ်ခုရလာမယ့် အခြေအနေတွေကိုလည်း ကြုံလာရပါပြီ။

အဲ့ဒါကို ငါကတော့ အသက်ကလည်းကြီး သင်ယူဖို့အချိန်လည်း နောက်ကျနေပါပြီ စသဖြင့် ပြောဆိုမှုမျိုးတွေပါ။

ကိုယ့်ဘက်က ဘာမှမယ်မယ်ရရ ကြိုးစားအားထုတ်မှု မပြုရသေးပါဘဲနဲ့ ဒီနောက်ကျပါပြီ ဆိုတဲ့စကားနဲ့ ကိုယ်ရဲ့ စိတ်အားထက်သန်မှု၊ ကြိုးစားအားထုတ်ချင်စိတ်တွေကို ဖျက်ဆီးလိုက်ပါပြီ။

ဘယ်အသက်အရွယ်ဖြစ်ဖြစ် နောက်ကျတယ်ဆိုတာ မရှိပါဘူး။ ကိုယ်ယုံကြည်သော အလုပ်တွေကို ဇွဲရှိရှိ ယုံကြည်ချက်ရှိရှိ လုပ်ကိုင်နိုင်တဲ့ အခွင့်အရေးတွေ အပြည့်အဝရှိပါတယ်။

ဘယ်သူတွေက နောက်ကျတယ်ပဲပြောပြော ကိုယ်ကိုယ်တိုင်က နောက်ကျနေပါပြီလို့ မသတ်မှတ်ခင်အချိန်ထိ နောက်ကျတယ်ဆိုတာ မရှိပါဘူး။


Credit: Advertising

Read times Last modified on Thursday, 30 January 2020 15:21
Rate this articles
(1 Vote)