သူ့ရဲ့ပထမအလုပ်က ပန်းကန်ဆေးသမား။ နောက်မှ ကားလုပ်ငန်းကို ဝင်လုပ်တာ။ အခုတော့ သူဌေးကြီးဖြစ်နေပြီ။ “ တစ်ရွာမပြောင်း သူကောင်းမဖြစ် ” ဆိုတဲ့ စကားက သူနဲ့ဆိုရင် ကွက်တိ။ အခုပြောနေတဲ့သူက Shahid Khan ပါ။ မြင်လွယ်အောင် ပြောရရင် ဖူဟမ်အသင်း (Fulham) ပိုင်ရှင်။
Shahid Khan ကို ၁၉၅ဝခုနှစ် ဇူလိုင်လ ၁၈ရက်နေ့ ပါကစ္စတန်နိုင်ငံ လာဟိုးမြို့ (Lahore) မှာ မွေးဖွားခဲ့တယ်။ သူ့မိခင်က သင်္ချာပါမောက္ခဖြစ်ပေမယ့် မိသားစုကတော့ ဆောက်လုပ်ရေးလုပ်ငန်းမှာပဲ ကျင်လည်ခဲ့တယ်။ ၁၉၆၇ခုနှစ်မှာ University of Illinois တက်ဖို့ အမေရိကန်နိုင်ငံကို ပြောင်းခဲ့တယ်။ သူ့မှာ ဒေါ်လာ ၅ဝဝ ပဲ ပါလာခဲ့တယ်။ သူတစ်ပါးတိုင်းပြည်မှာ ကျောင်းစရိတ် မလောက်ငှတဲ့အတွက် မျက်စိသူငယ်နားသူငယ် ဖြစ်ခဲ့ရတယ်။ ပထမဆုံးအလုပ်က ပန်းကန်ဆေးတဲ့ အလုပ်ပါ။ တစ်နာရီဆေးရင် ၁.၂ ဒေါ်လာ (၁၆၃၈ ကျပ်) ပဲရတယ်။ ပြီးတော့ ကျောင်းတက်ရင်းနဲ့ ကားထုတ်လုပ်တဲ့ကုမ္ပဏီ (Flex-N-Gate Corporation) မှာ အလုပ်လုပ်ပြန်တယ်။ ၁၉၇၁ခုနှစ်မှာ စက်မှုအင်ဂျင်နီယာအထူးပြုနဲ့ သိပ္ပံဘွဲ့ရခဲ့ပါတယ်။
Shahid Khan ရဲ့ အစွမ်းအစကို ရိပ်မိတဲ့ Flex-N-Gate Corporation ဟာ ကျောင်းပြီးတာနဲ့ အင်ဂျင်နီယာဒါရိုက်တာအနေနဲ့ ရာထူးတိုးပေးလိုက်တယ်။ ကားလုပ်ငန်းမှာ (၇) နှစ်လောက်ကျင်လည်ပြီးတော့ သူဟာ ကားလုပ်ငန်းကို ထုံးလိုမွှေ ရေလိုနှောက်နိုင်ခဲ့ပါတယ်။ ၁၉၇၈ခုနှစ်မှာ ကုန်တင်ကားတွေအတွက် ကားဘမ်ပါ (Bumper) ထုတ်လုပ်တဲ့ Bumper Works ဆိုတဲ့ ကိုယ်ပိုင်လုပ်ငန်း တည်ထောင်လိုက်တယ်။ ဒါပေမယ့် အရင်းအနှီးမရှိသေးတဲ့အတွက် သူစုဆောင်းထားတဲ့ ဒေါ်လာ ၁၆,ဝဝဝ နဲ့ ချေးငွေ ၅ဝ,ဝဝဝ နဲ့ ရင်းနှီးခဲ့တာပါ။ ဒါကလည်း အတွေးစိတ်ကူးပါ။ သူများအလုပ်မှာ ဝန်ထမ်းလုပ်မယ်ဆိုရင် လူတန်းစေ့ရပ်တည်နိုင်ပေမယ့် ရေရှည်ကျတော့ ကိုယ်ပိုင်လုပ်ငန်းကို တည်ထောင်မှသာ သူဌေးဖြစ်နိုင်မယ်ဆိုတဲ့ခံယူချက်နဲ့ ဖြစ်ပါတယ်။
Recommended for you - ရန်ကုန်စီးပွားရေးတက္ကသိုလ်(လှိုင်နယ်မြေ) ထူးချွန်ကျောင်းသားများအား စီးပွားရေးပညာချွန်ဆုပေးမည်
Bumper Works လုပ်ငန်းမှာ အောင်မြင်လာတော့ Shahid Khan အလုပ်လုပ်ခဲ့တဲ့ Flex-N-Gate Corporation ကို ဝယ်ယူခဲ့တယ်။ ပြီးတော့ ကားဘမ်ပါတွေကို Volkswagen၊ Mercedes-Benz နဲ့ BMW တို့လို ကားကုမ္ပဏီကြီးတွေမှာ တင်သွင်းနိုင်ခဲ့တယ်။ တစ်ဖြည်းဖြည်းနဲ့ သူချမ်းသာလာပါပြီ။ အရည်အသွေးကောင်းမွန်တဲ့ ဘမ်ပါတွေကို ထုတ်လုပ်နိုင်ခဲ့လို့ တိုယိုတာကုမ္ပဏီ ( Toyota Motor Corporation) ကလည်း စိတ်ဝင်စားလာတယ်။ ၁၉၈၇ခုနှစ်မှာ တိုယိုတာပစ်ကပ်ကားတွေအတွက် ဘမ်ပါတွေကို တင်သွင်းနိုင်ခဲ့တယ်။ ၁၉၈၉ခုနှစ်မှာ တိုယိုတာကားတွေအားလုံးမှာ ဘမ်ပါတွေ ထုတ်လုပ်ပေးနိုင်ခဲ့တယ်။ ကုမ္ပဏီရဲ့ရောင်းအားဟာ တစ်နှစ်မှာ ၁၇ သန်းကနေ ၂ဝ၁ဝ ခုနှစ်မှာ ၂ဘီလီယံ (သန်း ၂ ထောင်) အထိ တစ်ဟုန်ထိုးတိုးတက်ခဲ့တယ်။ ၁၉၉၁ခုနှစ်မှာတော့ အမေရိကန်နိုင်ငံသား ခံယူလိုက်ပါပြီ။ လက်ရှိအချိန်မှာတော့ Flex-N-Gate Corporation ဟာ ဝန်ထမ်းပေါင်း ၂၄,ဝဝဝ နဲ့ စက်ရုံပေါင်း ၆၂ ခုအထိ တိုးတက်လာခဲ့ပါတယ်။
လက်ရှိအချိန်မှာတော့ Forbes မဂ္ဂဇင်းရဲ့သတ်မှတ်ချက်အရ Shahid Khan ရဲ့ ကြွယ်ဝမှုဟာ အမေရိကန်ဒေါ်လာ ၇ ဘီလီယံ (သန်း ၇ ထောင်) အထိရှိလာပါပြီ။ ၂ဝ၁၂ခုနှစ် ဇန်နဝါရီလ ၄ ရက်နေ့မှာ အမေရိကန်ဘောလုံးအသင်းဖြစ်တဲ့ Jacksonville Jaguars ကို သန်း ၇၆ဝ နဲ့ ဝယ်ယူလိုက်တယ်။ ပရီးမီးယားလိဂ်ကလပ် ဖူဟမ်အသင်းအသင်းကိုလည်း ၂ဝ၁၃ ခုနှစ်မှာ ဝယ်ယူခဲ့ပြန်တယ်။ ကနေဒါနိုင်ငံမှာလည်း ကွန်ဒိုတာဝါတွေ ဟိုတယ်တွေ ပိုင်ဆိုင်ထားပြန်တယ်။ သူသာ အမေရိကန်ကို စွန့်စွန့်စားစား မလာဘဲ မိခင်နိုင်ငံမှာသာ ဆက်နေမယ်ဆိုရင် အခုချိန်မှာ ဆောက်လုပ်ရေးလုပ်သားတစ်ယောက်ပဲ ဖြစ်နေဦးမှာပါ။ ဒါတွေဟာ စွန့်စားမှုရဲ့ရလဒ် မဟုတ်ပါလားခင်ဗျာ။
Recommended for you - လစာ ကောင်းကောင်းဝင်နေသော်လည်း သင့်အားမွဲနေစေသော အကျင့် (၈)ခု
Recommended for you - တက္ကသိုလ်ဝင်ခွင့်လျှောက်လွှာများကို ဒီဇင်ဘာတတိယပတ်ထိ လက်ခံမည်
Credit; akhayar
