ယနေ့ခေတ်ရဲ့ လျင်လျင်မြန်မြန်တိုးတက်နေတဲ့ ကမ္ဘာ့စီးပွားရေးမှာ အောင်မြင်ချင်တယ်ဆိုရင် စွမ်းရည်အသစ်တွေကို မြန်မြန်ဆန်ဆန်သင်ယူနိုင်စွမ်းရှိဖို့က မရှိမဖြစ်လိုအပ်ပါတယ်။
အခုဆိုရင် လူတော်တော်များများက ကိုယ့်ဘ၀ တိုးတက်ရေးရဲ့ လိုအပ်ချက်ကို နားလည်ကြပြီး မိမိကိုယ်ကိုယ် ရောင်းကုန်တစ်ခုအနေနဲ့ လွယ်လွယ်ကူကူ ရောင်းထွက်နိုင်စေ မယ့် စွမ်းရည်တွေတည်ဆောက်ရေးမှာ သူတို့ရဲ့အချိန်တွေ၊ ငွေတွေကို ရင်းနှီးမြှုပ်နှံခြင်းဖြင့် သူတို့ရဲ့ဗဟုသုတတွေကို အချိန်နဲ့အမျှ အချက် အလက်တွေကို ထပ်ထပ်ဖြည့်ဖို့ အမြဲတမ်းကြိုးပမ်းနေကြပါတယ်။
ကွန်ပျူတာပရိုဂရမ်အသစ်တစ်ခုကို သင်ယူဖို့ကြိုးစားတာပဲဖြစ်ဖြစ်၊ ကိုယ့်ရဲ့ လူမှုဆက်ဆံရေးစွမ်းရည်တွေ တိုးတက်ဖို့လုပ်ဆောင်တာပဲဖြစ်ဖြစ် စွမ်းရည်အသစ်တစ်ခုကို ကျွမ်းကျင်လာစေမယ့်နည်းလမ်းတွေကို အောက်ပါအတိုင်း ဖော်ပြပေးလိုက်ပါတယ်။
၁။ ကိုယ်သင်ယူချင်တဲ့ စွမ်းရည်ဟာ အဖိုးတန်ပြီး ရယူနိုင်တာဖြစ်ပါစေ။
ကိုယ့်အလုပ်အတွက် သင့်လျော်ပြီး ကိုယ့်အဖွဲ့အစည်းက တန်ဖိုးထားတဲ့ စွမ်းရည်တစ်ခုကို ရွေးချယ်ပါ။ ကိုယ့်ကိုယ် တန်ဖိုးတက်စေပြီး အလုပ်ခွင်မှာ ပိုပြီးအကျိုးရှိစေဖို့ သင်ယူဖို့လိုအပ်တဲ့ စွမ်းရည်တွေကို သိအောင်လုပ်ပါ။ ရယူနိုင်မယ့်ပန်းတိုင်ကို ချမှတ်ပါ။ သတ်မှတ်ထားတဲ့အချိန်အတိုင်းအတာအတွင်းမှာ ထိုစွမ်းရည်ကို တကယ်သင်ယူနိုင်မလား၊ အဲဒီအတွက် အချိန်တွေ၊ အင်အားတွေပေးနိုင်မလားဆိုတာ ကိုယ့်ကိုယ်ကိုယ် မေးပါ။
၂။ ကြိုးစားချင်စိတ်ရှိပြီး သင်ယူခြင်းပေါ်မှာ ကိုယ့်ကိုယ်ကို စူးစိုက်ပါ။
အောင်မြင်တဲ့သူတွေက သူတို့ရဲ့အချိ်န်နဲ့ စွမ်းအင်တွေကို လိုအပ်တဲ့စွမ်းရည်တွေရရှိဖို့အတွက် လုပ်ဆောင်ကြပါတယ်။ စည်းကမ်းနဲ့ ကြိုးစားအားထုတ်မှုက စွမ်းရည် အသစ်တစ်ခုရရှိဖို့အတွက် မရှိမဖြစ်အရေးပါပါတယ်။ တီဗီရှေ့မှာနဲ့ လူမှုကွန်ရက်တွေပေါ်မှာ အချိန်ကုန်ဆုံးမယ့်အစား အချိန်ဇယားချပြီး အဲဒီအတိုင်းလိုက်နာပါ။
၃။ ကိုယ့်အတွက် အဓိပ္ပါယ်ရှိပါစေ။
ကိုယ် ကြိုက်နှစ်သက်တဲ့ သင်ယူမှုပုံစံက ဘယ်လိုပဲဖြစ်ဖြစ် အဓိပ္ပါယ်ဖော်နိုင်ခြင်းက လူတွေကို နားလည်အောင်နဲ့ သင်ယူနိုင်အောင် ကူညီပေးတယ်လို့ သုတေသနက ဆိုပါတယ်။ အလွတ်ကျက်မှတ်လိုက်တာထက် တကယ့်ဘ၀နဲ့ ဆက်စပ်ကြည့်ပြီး သဘောတရားတွေက အကြောင်းအရာတွေတော်တော်များများနဲ့ ဘယ်လို ကိုက်ညီလဲ ဆိုတာ နားလည်ပါ။ အကြောင်းအရာအသစ်တစ်ခုကို သင်ယူတဲ့အခါ ပိုပြီးစွဲမြဲစေဖို့ အရင်က ဗဟုသုတတွေ၊ ကိုယ်ပိုင် အတွေ့ အကြုံတွေ ကို ပြန်လည်အမှတ်ရပါ။
၎။ သေးငယ်တဲ့အရာတွေကနေ စတင်ပြီး စီမံခန့်ခွဲနိုင်ပါစေ။
စွမ်းရည်အသစ်တွေအများကြီးကို တစ်ခါတည်းသင်ယူဖို့ကြိုးစားပြီး ကိုယ့်ကိုယ်ကိုယ် အလွန်အကျွံတွန်းအားပေးတယ်ဆိုရင် ၀န်ပိပြီး ပင်ပန်းသွားနိုင်ပါတယ်။ အချိန်တစ်ချိန်မှာ စွမ်းရည်တစ်ခု၊ နှစ်ခုလောက်ပဲ အာရုံစိုက်ပြီး တစ်ခုစီကို ကိုယ်လုပ်နိုင်တဲ့ပန်းတိုင်လေးတွေဖြစ်အောင် သတ်မှတ်ပါ။ စွမ်းရည်တွေကို အနည်းဆုံး သင်ယူနိုင်မယ့်အနေအထားတွေအထိ ပိုင်းခြားပြီး အချိန်တစ်ချိန်မှာ တစ်ခုနှုန်းနဲ့ သင်ယူနိုင်အောင်လုပ်ပါ။ ကိုယ်က ရှေ့ကို ဆက်လက် တက်လှမ်း နေ သရွေ့ သေးငယ်တဲ့ အဆင့်တွေကို လုပ်ဆောင်တာက အဆင်ပြေပါတယ်။
၅။ တခြားသူတွေကို သင်ပေးပါ။
တခြားသူတွေ သင်ယူနိုင်ဖို့ကူညီတာက ကိုယ့်ဘာသာ ကောင်းကောင်းသင်ယူနိုင်ဖို့အတွက် အထောက်အကူပြုပါတယ်။ တခြားသူတွေကို သင်ကြားပေးတာက ကိုယ့် အနေနဲ့ သင်ထားပြီးသား အရာတွေကို ပြန်လည်အမှတ်ရပြီး လေ့ကျင့်ဖို့အတွက် အခွင့်အရေးရစေပါတယ်။ ဒါကြောင့် ကိုယ့်ရဲ့အသင်းဖော်အသင်းဖက်တွေ၊ လုပ်ဖော် ကိုင်ဖက်တွေနဲ့ သူငယ်ချင်းတွေကို ကိုယ်သင်ယူထားတဲ့အရာတွေ ဝေမျှပေးနိုင်မယ့်အခွင့်အလမ်းတွေရအောင်ယူပါ။
၆။ စိတ်ရှည်ပါ။
စွမ်းရည်အသစ်တစ်ခုကို တစ်ညတည်းနဲ့ သင်ယူလို့မရပါဘူး။ စွမ်းရည်တစ်ခုကို သင်ယူဖို့ လတွေကြာပါလိမ့်မယ်။ ဒါကြောင့် စိတ်ရှည်ပါ၊ ဇွဲရှိပါ။
၇။ ကိုယ့်ရဲ့ သင်ယူခြင်းတွေကို အချိန်ကာလတစ်ခုထိလုပ်ဆောင်ပါ။
လေ့လာမှုတွေအရ အချိန်ကြာကြာလေ့လာမှု၊ သို့မဟုတ် အချိန်ကာလတစ်ခုထိ သင်ယူခြင်းကို လုပ်ဆောင်တာက အချိန်တိုတိုလေးအတွင်းမှာ အများကြီး သင်ယူ တာထက် ပိုကောင်းတဲ့ သင်ယူခြင်းနည်းဖြစ်ပါတယ်။ အချိန်ကာလ တစ်ခုထိ လေ့ကျင့်မှုတွေလုပ်တာက သင်ယူတဲ့အချိန်မှာ ဖြစ်ပေါ်လာတဲ့ အာရုံကြောကလာပ် စည်းတွေကြားက အချိတ်အဆက်လေးတွေကို လှုံ့ဆော်ပေးပြီး အချက်အလက်တွေအများကြီးကို အကြာကြီးမှတ်မိစေပါတယ်။ တစ်ရက်ထဲမှာ နာရီပေါင်းများစွာ ထိုင်ပြီးလေ့လာမယ့်အစား အချိန်ကာလရှည်တစ်ခုမှာ ကာလတိုအပိုင်းအခြားလေးတွေနဲ့ လေ့လာဖို့ စီစဉ်ပါ။
၈။ အကူအညီတောင်းပါ။
ကိုယ် သင်ယူဖို့ကြိုးစားနေတဲ့ စွမ်းရည်ကို ကျွမ်းကျင်ပြီးသားသူတွေဆီက အကူအညီတောင်းခံဖို့ မကြောက်ပါနဲ့။ သူတို့ရဲ့ဗဟုသုတတွေနဲ့ အတွေ့အကြုံတွေကို ဝေမျှပေးချင်တဲ့ လုပ်ဖော်ကိုင်ဖက် သို့မဟုတ် ဆွေးနွေး တိုင်ပင်ပေးမယ့် သူတစ်ယောက်ရှိတာက တန်ဖိုးရှိပါတယ်။ သူတို့က ကိုယ့်ရဲ့ သင်ယူခြင်းမှာ အကြံပြုချက်ပေးနိုင်ပြီး အချက်အလက်ပိုင်းမှာရော၊ စိတ်ပိုင်းဆိုင်ရာမှာပါ အထောက်အပံ့ပေးနိုင်ပါတယ်။ ပြီးတော့ စွမ်းရည်ကို လျင်လျင်မြန်မြန်ရရှိစေမယ့် နည်းလမ်းလေးတွေကိုလည်း သင်ယူနိုင်အောင် ကူညီပေးနိုင်ပါတယ်။
၉။ ကိုယ့်ရဲ့ စွမ်းရည်တွေကို အသုံးချပါ။
သင်ယူထားတဲ့အရာတွေကို အသုံးပြုပြီး တကယ့်ဘ၀ရဲ့ ပြဿနာတွေကို ဖြေရှင်းတယ်ဆိုရင် ပိုပြီး မြန်မြန်ဆန်ဆန်သင်ယူနိုင်ပါတယ်။
လူတိုင်းမှာ သင်ယူပုံနည်းလမ်းတွေက မတူညီကြပါဘူး။ အမှားလုပ်မိမှာကို မကြောက်ပါနဲ့။ ဘယ်အရာတွေက ကိုယ့်အတွက် အလုပ်ဖြစ်သလဲဆိုတာကို စမ်းသပ်လုပ်ဆောင်ပါ။
စွမ်းရည်အသစ်တစ်ခုကို သင်ယူခြင်းက ကိုယ့်ကိုယ် ပိုပြီးပျော်ရွှင်အောင်၊ ပိုပြီးယုံကြည်ချက်ရှိလာအောင် ဖြစ်စေရုံသာမက အလုပ်အကိုင်အခွင့်အလမ်းအသစ်တွေအတွက် လမ်းပွင့်စေပြီး ကိုယ့်ဦးနှောက်ကိုလည်း ပြောင်းလဲစေ တဲ့အတွက် အချိန်ကာလတစ်ခုအတွင်းမှာ စွမ်းရည်အသစ်တွေကို မြန်မြန်ဆန်ဆန်သင်ယူနိုင်ပြီး မှတ်ဥာဏ်၊ အပြောစွမ်းရည်နဲ့ ဘာသာစကားစွမ်းရည်တွေကို တိုးတက်စေနိုင်ပါတယ်။
၂၁ ရာစုအလုပ်ခွင်အတွက် တန်ဖိုးရှိတဲ့ စွမ်းရည်အသစ်တွေကို ရရှိဖို့က အမြဲတမ်း မလွယ်ကူဘူးဆိုတာကို သတိရပါ။ ဒါပေမဲ့ စွဲစွဲမြဲမြဲလုပ်ဆောင်မယ်ဆိုရင် ရရှိလာမယ့် အကျိုးကျေးဇူးတွေက ထိုက်တန်ပါတယ်။
source: Wynee
