Success

Tuesday, 09 April 2019

အဆိုးတစ်ခု ကြုံရတိုင်း အကောင်းတစ်ခု ထလုပ်ပါ။

အဆိုးတစ်ခု ကြုံရတိုင်း အကောင်းတစ်ခု ထလုပ်ပါ။ google

လောကကြီးက ကိုယ်မွေးလာမယ်မှန်းသိလို့ ကိုယ့်အလိုအတိုင်းဖြစ်ဖို့ 

 စောင့်နေလို့ ကိုယ်က မွေးဖွားလာတာ မဟုတ်ဘူး။

ပြီးပြည့်စုံခြင်းမရှိတဲ့ လောကကြီးထဲ ကိုယ်က မွေးလာရတာ။ ကိုယ့်ကို မွေးလိုက်တဲ့ ကိုယ့်မိဘတွေတောင် ချို့ယွင်းချက်တွေ အများကြီးနဲ့ ဖြစ်နေမှာပါ။ ဒါပေမယ့် သိထားရမှာက ဘယ်အရာမဆို ဘယ်သူမဆို အကောင်းအဆိုး ရောနေ တတ်တယ်။ ကိုယ်ကိုယ်တိုင်ရောပေါ့။ဘဝဟာလည်း အကောင်းရော အဆိုးရော ရောနေတယ်။ တချို့အဆိုးတွေက ရှောင်ရင်ရတယ်။ တချို့အဆိုးတွေက ရှောင်လို့မရဘူး။ ရှောင်လို့မရတဲ့ အဆိုးတွေကို ဘယ်လိုလုပ်မလဲ။ အရိုးဆုံး အရှင်းဆုံးအဖြေ ရှိပါတယ်။

ဆိုးတာ တစ်ခုကြုံတိုင်း ကောင်းတာတစ်ခု ထလုပ်ပါ။ မကောင်းတာတစ်ခု ၊စိတ်အနှောက်အယှက် ဖြစ်စရာတစ်ခု ၊စိတ်မကောင်းဖြစ်စရာ ၊ဝမ်းနည်းစရာ ဘာပဲကြုံရကြုံရ ဒီအတိုင်းမနေပါနဲ့။သေးသေးမွှားမွှားလေး ဖြစ်ပါစေ … စိတ်ထဲမှာ ကိုယ်မလိုချင်တာ တစ်ခု ကြုံရရင် ကောင်းတာတစ်ခု လုပ်ဖြစ်အောင် ထလုပ်လိုက်ပါ။ အနည်းဆုံး ဆန်လေးတစ်ဆုပ်ယူပြီး ငှက်ကလေးတွေ အစာချကျွေးတာ ဖြစ်ဖြစ် ရေလေးတစ်ပုံးယူပြီး လမ်းဘေးက သစ်ပင်လေး သွားလောင်းတာ ဖြစ်ဖြစ် မိုးပေါ်က ကောင်းကင်ကြီး မော့ကြည့်ပြီး ဟား … လှလိုက်တာ” လို့ရေရွတ်လိုက်တာ ဖြစ်ဖြစ်ပေါ့။ Positive ဖြစ်တာတစ်ခုခု ဘာဖြစ်ဖြစ် ထလုပ်ပါ။ဆိုလိုတာက ကောင်းတာကို တပင်တပန်းကြီး တကူးတကကြီးလုပ်ဖို့မဟုတ်ပါဘူး။ အဓိကက negative တစ်ခုကြုံတိုင်း positive ဖြစ်တာတစ်ခု လိုက်မိအောင် လုပ်ပါ။ ကြာရင် ဘာဖြစ်လာမလဲ သိလာရပါလိမ့်မယ်။

ကိုယ်မလိုချင်တဲ့ negative တွေကတော့ ပျောက်သွားမှာ မဟုတ်ဘူးနော်။ ရှိရင်ရှိနေ အုံးမယ်။ ဒါပေမယ့် ကိုယ်ကတော့ positive တွေ ထပ်ခါထပ်ခါ လုပ်မိတဲ့သူ ဖြစ်လာတယ်။ ရုပ်ရော စိတ်ရော ကြည်လင်မှုတိုးလာတယ်။ စိတ်ကို ငြိမ်းငြိမ်းချမ်းချမ်း ထားတတ်လာတယ်။ ဒါတွေဟာ ပေါ့သေးသေးအကျိုးရလဒ် မဟုတ်ပါဘူး။နောက်ထပ် ကောင်းတာတွေဖြစ်ဖို့ ဒီအကျိုးရလဒ်က ဆွဲငင်ခေါ်ယူမှာပါ။

ဆိုးတာတစ်ခုကြုံတိုင်း ကောင်းတာတစ်ခု လုပ်ဖြစ်အောင်လုပ်ပါ။ကိုယ့်မှာ အကောင်းဓာတ်ခံ များလာအောင် လုပ်ပါ။အကောင်းဓာတ်ခံ များလာရင် အကောင်းတွေ ပိုစုလာပါလိမ့်မယ်။ တူရာတူရာတွေဟာ စုတတ်တဲ့ သဘောရှိပါတယ်

crd; ထက်ထက်ထွန်း (waterfall)

Read times Last modified on Monday, 17 February 2020 16:24
Rate this articles
(1 Vote)