ရွေးချယ်နိုင်ခွင့်ရော ရွေးချယ်ခံခွင့်ရော မရှိဘဲ လောကကြီးထဲကို အလည်ရောက်လာသူတွေ အနေနဲ့ ချမ်းသာစွာ နေထိုင်နိုင်တဲ့ပတ်ဝန်းကျင် ဆင်းရဲချို့တဲ့စွာ နေထိုင်ရတဲ့ ပတ်ဝန်းကျင် လူသားခြင်းစာနာမှုရှိတဲ့ ပတ်ဝန်းကျင် လူမဆန်တဲ့ ပတ်ဝန်းကျင် အေးချမ်းမှုတွေနဲ့ ပြည့်နေတဲ့ မိသားစု ပူလောင်မှုတွေနဲ့ အမြဲလောင်ကျွမ်းနေတဲ့ မိသားစု ဒါတွေကို ရွေးချယ်ပိုင်ခွင့်မရှိပါဘူး။
ဒါပေမယ့် မွေးဖွားလာပြီးနောက်ပိုင်းမှာတော့ ကိုယ့်ဘဝကိုယ် ရွေးချယ်ပိုင်ခွင့် ရှိပါတယ်။ ရွေးချယ်ပိုင်ခွင့် ဆိုတာက ကိုယ့်ဘဝကို ဘယ်လိုဖြတ်သန်းမှာလည်း အနာဂတ်ကို ဘယ်လိုပုံဖော်ထုဆစ်ကြမလဲဆိုတာပါ။
အောင်မြင်မှုတစ်ခုကို ဘာနဲ့တိုင်းတာသလဲ။ တိုင်းတာတဲ့စံချိန်စံနှုန်းတွေ ယူနစ်တွေ မရှိပါဘူး။ တချို့က ချမ်းသာရင် အောင်မြင်တယ် တချို့က နာမည်ကြီးပြီး လူသိများရင် အောင်မြင်တယ် တချို့က လူတိုင်းက လေးစားအားကျရတဲ့သူ ဦးညွတ်ရတဲ့သူဖြစ်ရင် အောင်မြင်တယ်… ဒါတွေက ဘယ်သူမှသတ်မှတ်ထားတာ မဟုတ်ပါဘူး။ ကိုယ်ကိုယ်တိုင်ပဲ သတ်မှတ်ထားတာပါ။
သူများရဲ့ ဘဝအတိုင်းမနေပါနဲ့။ ကိုယ့်ဘဝနဲ့ကိုယ်နေပါ။ ဒါပေမယ့် သူများတွေဆီက အတွေ့အကြုံတွေ ပညာတွေ အမှားတွေကို သင်ခန်းစာယူပါ လေ့လာပါ။ ထားပါတော့ ဘီဂိတ် ကိုအားကျတယ် သူ့လို အောင်မြင်ချင်တယ်ဆိုရင် သူ့လိုကြိုးစားပါ ဒါပေမယ့် သင်သိထားဖို့က သူ့လိုအောင်မြင်လာတဲ့တနေ့ ရှိလာခဲ့ရင်တောင် သင်ကသင်ပါ ဘယ်တော့မှ ဘီဂိတ်ဖြစ်လာမှာ မဟုတ်ဘူး ၊ ဒုတိယ ဘီဂိတ်တော့ ဖြစ်တန်ကောင်းပါရဲ့။
Recommended for you - လူတွေမြင်နိုင်တဲ့ ခမ်းနားထည်ဝါမှုများ နောက်ကွယ်က အမည်မသိပေးဆပ်မှုများ
ကိုယ့်ဘဝလမ်းကြောင်းကို ဘယ်လိုဖန်တီးမလဲ ဘယ်လမ်းကို လျှောက်မလဲ ဒါတွေက ကိုယ့်ရဲ့ကိုယ်ပိုင် ဆုံးဖြတ်ချက်တွေနဲ့ တည်ဆောက်ရမှာပါ။ ပြောနေတာက လွယ်ပါတယ် လက်တွေ့ဘဝမှာ တကယ်ရင်ဆိုင် ကြုံတွေ့ရတဲ့အခါ အခက်အခဲတွေ အများကြီးကို ရင်ဆိုင်ရမှာပါ။
လူတစ်ယောက်က ကောင်းမွန်မှန်ကန်စွာ ကြီးပျင်းလာဖို့ဆိုတာက ပတ်ဝန်းကျင်ပေါ်မှာလည်း အများကြီး မူတည်နေပါတယ်။ ဒါပေမယ့် ကာယကံရှင်ကတော့ အရေးကြီးဆုံးပါပဲ။ ပတ်ဝန်းကျင်က ကိုယ့်ရဲ့ကြိုးစား အားထုတ်မှု အကြံဥာဏ်တွေကို ပျက်ရယ်ပြုကောင်းပြုနိုင်ပါတယ်။
ဒါပေမယ့် မှတ်ထားဖို့က သူတို့ပြောတဲ့ ဝေဖန်တဲ့စကားတိုင်းကို လိုက်ခံစားနေဖို့ မလိုပါဘူး ဝေဖန်သံလား ကဲ့ရဲ့သံလားဆိုတာကို သေချာခွဲခြမ်းဖို့ လိုပါတယ်။ သင့်ကိုကဲ့ရဲ့ တဲ့သူတွေ ကိုယ်တိုင်ကရော ဘယ်လောက်တောင် ကြီးကျယ်မြင့်မြတ်နေလို့လဲ သင့်ထက်အများကြီးသာ နေတဲ့သူတွေလား သူလိုကိုယ်လို လူတွေလား သေချာပါတယ် သင့်ကို ကဲ့ရဲ့တယ်ဆိုကတည်းက အလကားလူတွေဆိုတာ။ ပညာတတ်တွေက သင့်ကို ကဲ့ရဲ့မယ့် အစား ဝေဖန်အကြံပြုမှာပါ သူတို့ပြောတဲ့စကား ကိုတော့ အလေးထားပြီးနားထောင်ပါ။
Recommended for you - ဥာဏ်ထိုင်းစေမည့် ဘ၀နေထိုင်မှုပုံစံ ၁၀ မျိုး
ဆင်းရဲတဲ့သူတော်တော်များများက ဘာကြောင့်အောင်မြင်မှုမရတာလဲ…စဉ်းစားကြည့်မိရင် သူတို့တွေက မသေချာမရေရာတဲ့ ဘယ်တော့ကိုယ့်ဆီရောက်လာမယ်မှန်းမသိတဲ့ အခွင့်အရေးဆိုတာကြီးကို ထိုင်စောင့်နေတဲ့သူတွေ များပါတယ်။ အောင်မြင်သူတွေကို လေ့လာကြည့်ပါ သူတို့က အခွင့်အရေးကို ထိုင်စောင့်နေတဲ့သူမဟုတ်ပါဘူး။ ဖန်တီးယူတဲ့သူတွေပါ။ ဆင်းရဲတဲ့ဘဝကနေ ကမ္ဘာကျော်ဖြစ်လာတဲ့ သူတွေ အများကြီးပါ။ အမေရိကန် သမ္မတဟောင်း အိုဘားမားကိုပဲ ကြည့်ပါ ငယ်ငယ်တုန်းက ခက်ခဲကြမ်းတမ်းတဲ့ လောကဓံတရားတွေကို ကြံကြံခံ ရင်ဆိုင်ကာ သူလိုချင်တဲ့ပန်းတိုင်ကို အရောက်လှမ်းနိုင်ခဲ့တဲ့အပြင် အမေရိကန်နိုင်ငံအတွက် ပထမဆုံး လူမည်းသမ္မတဆိုပြီးတော့တောင် သမိုင်းသစ် တင်နိုင်ခဲ့တာပါ။
သင်ကိုယ်တိုင်က ဘဝကို ပေါ့ပေါ့ပါးပါးပဲ ဖြတ်သန်းမယ်ဆိုရင်တော့ သင်ကိုယ်တိုင်က ပြန်ပြီးအားကျရမယ့် သင် ဖြစ်လာမှာ မဟုတ်ပါဘူး။ ကြိုးစားအားထုတ်မှုတွေ တိုးတက်ချင်တဲ့စိတ်တွေ ရည်မှန်းချက်တွေ မျှော်လင့်ချက်တွေ မရှိဘူးဆိုရင် သင်ဘယ်တော့မှ အောင်မြင်ပျော်ရွှင်တဲ့ ဘဝကို ရနိုင်မှာမဟုတ်သလို လူဖြစ်ခွင့်ကြုံတဲ့ ရှားပါးတဲ့အခွင့်အရေးတစ်ခုလုံးကို သင်လက်လွှတ်ခံလိုက်တာနဲ့ တူတူပါပဲ။ သင်က ဒီလိုလူမျိုးဆိုရင်တော့ ကျိန်းသေပါတယ် သင်သေသည်အထိ ဆင်းရဲချို့တဲ့စွာပဲ နေထိုင်သွားရင်းနဲ့ ဘဝနေဝင်ချိန်ကို လူမသိ သူမသိ ဖြတ်သန်းသွားရမှာပါ။
ကိုယ်ပိုင်တဲ့ကိုယ့်ဘဝကို အလှပဆုံး ပုံဖော်ထုဆစ်ရင်း ကိုယ်သတ်မှတ်ထားတဲ့ အောင်မြင်မှုကို ရယူနိုင်တဲ့ စိတ်ဓာတ်အင်အားတွေ ပြည့်နေတဲ့ ပန်းပုဆရာကောင်းလေးများ ဖြစ်ဖို့ ဆန္ဒပြုရင်း…
အင်္ဂလိပ်စာကို အခြေခံမှစပြီး ကျွမ်းကျင်စွာ တတ်မြောက်သည်အထိ သင်ယူချင်ပါသလား။ IELTS စာမေးပွဲကို အကောင်းဆုံးဖြေဆိုအောင်မြင်ချင်ပါသလား။ Sayar.com.mm တွင် ရှိသော ဆရာ ဆရာမ များနှင့် ဆက်သွယ်လိုက်ပါ။
သင်ကိုယ်တိုင်က ဆရာတစ်ယောက် ဖြစ်နေလျှင် ကျွန်တော်တို့နှင့် လက်တွဲဖို့ ဖိတ်ခေါ်လိုက်ပါရစေ။ အခမဲ့ register လုပ်လိုက်ပါ။
Minsayar
