Emotional Intelligence (EI) ဆိုတာ ဘာကို ဆိုလိုပါသလဲ။ Emotional Intelligence ဆိုတာကတော့ မိမိကိုယ်ပိုင် စိတ်ခံစားမှုတွေနဲ့ အခြားသူတွေရဲ့ စိတ်ခံစားမှုတွေကို အတိအကျသိမှတ်ဆင်ခြင်နိုင်စွမ်း၊ စိတ်ခံစားမှုတွေကို ထိန်းချုပ်ကိုင်တွယ်နိုင်ပြီး စဉ်းစားတွေးခေါ်မှုနဲ့ ပြဿနာဖြေရှင်းမှုတို့မှာ အသုံးချနိုင်စွမ်း၊ မိမိ ကိုယ်တိုင်ရဲ့ စိတ်ခံစားမှုအပြင် အခြားသူတွေရဲ့ စိတ်ခံစားမှုကိုပါ စီမံခန့်ခွဲနိုင်ခြင်း ကို ဆိုလိုပါတယ်။
Emotional Intelligence ဟာ ဥာဏ်ရည်ထက်မြက်မှု (IQ) ထက်ပိုပြီး လူတစ်ယောက်ရဲ့ အောင်မြင်မှုမှာ အရေးပါလာပါတယ်။ Emotional Intelligence ကောင်းသူတွေရဲ့ လက္ခဏာတွေကတော့ အောက်ပါအတိုင်း ဖြစ်ပါတယ်။
၁။ သူတို့ဟာ ပြောင်းလဲတတ်သူတွေဖြစ်ပါတယ်။
Emotional Intelligence မြင့်မားသူတွေဟာ ပြောင်းလဲမှုကို ကြောက်လေ့မရှိပါဘူး။ ပြောင်းလဲမှုဟာ ဘ၀ရဲ့ လိုအပ်ချက်တစ်ခုဆိုတာကို နားလည်ထားကြပြီး အလိုက်သင့် ပြောင်းလဲနိုင်စွမ်းရှိကြပါတယ်။
၂။ သူတို့ဟာ ကိုယ့်အကြောင်း ကိုယ်သိကြတယ်။
Emotional Intelligence ကောင်းသူတွေဟာ သူတို့ဘယ်နေရာမှာ ထူးချွန်လဲ၊ ဘာတွေကို ဆက်ပြီး လေ့လာဖို့ လိုလဲ၊ သူတို့ရဲ့ အားနည်းချက်တွေက ဘာတွေလဲ ဆိုတာကို နားလည်သဘောပေါက်ကြပါတယ်။ သူတို့အတွက် ဘယ်လိုပတ်ဝန်းကျင်မျိုးက အဆင်အပြေဆုံးဖြစ်မလဲဆိုတာကိုလည်း သိကြပါတယ်။
၃။ သူတို့ဟာ ကိုယ်ချင်းစာတတ်ကြတယ်။
Emotional Intelligence ရဲ့ အဓိက လက္ခဏာကတော့ အခြားသူတွေအတွက် ကိုယ်ချင်းစာတတ်ပြီး မျှဝေခံစားတတ်ခြင်းပဲ ဖြစ်ပါတယ်။ သူတို့ဟာ လုပ်ဖော် ကိုင်ဖက်နဲ့ အပေါင်းအသင်းတွေရဲ့ အခက်အခဲတွေနဲ့ ပြဿနာတွေကို နားလည်နိုင်စွမ်းရှိကြပြီး ကူညီဖြေရှင်းပေးတတ်ကြသူတွေ ဖြစ်ပါတယ်။
၎။ သူတို့ဟာ အမှားကင်းပြည့်စုံသူတွေ မဟုတ်ကြဘူး။
Emotional Intelligence အားကောင်းသူတွေဟာ ပြီးပြည့်စုံမှုဆိုတာ မဖြစ်နိုင်မယ် သိထားကြပါတယ်။ သူတို့ဟာ လုပ်ဆောင်မိတဲ့ အမှားနဲ့ တွေ့ကြုံရတဲ့ အခက်အခဲတွေကနေ သင်ခန်းစာယူနိုင်ကြသူတွေ ဖြစ်ပါတယ်။
၅။ သူတို့ဟာ ဟန်ချက်ညီမျှတယ်။
မိမိကိုယ်ကို အကောင်းဆုံး သိမှတ်ဆင်ခြင်နိုင်စွမ်းကြောင့် အလုပ်နဲ့ ဘ၀ကို ဟန်ချက်ညီအောင် ထိန်းကျောင်းနိုင်စွမ်းရှိကြပါတယ်။ အလုပ်ချိန်ပြင်ပမှာ ကောင်းကောင်းစား၊ ကောင်းကောင်းနားပြီး အခြားစိတ်ဝင်စားစရာတွေ အတွက်လည်း အချိန်ပေးတတ်ကြပါတယ်။
၆။ သူတို့က သိလိုစိတ်များတယ်။
ဘာမဆို စူးစမ်းလေ့လာလိုစိတ်က သူတို့ကို ထင်ပေါ်စေတဲ့အချက်တစ်ခု ဖြစ်ပါတယ်။ ဒါပေမယ့် စူးစမ်းသိရှိလာတွေကို ချက်ချင်းအကဲဖြတ်လေ့မရှိပဲ အခြားဖြစ်နိုင်ချေတွေကို ထပ်မံရှာဖွေတတ်ကြပါတယ်။ မေးခွန်းတွေ မေးလေ့ရှိပြီး ဖြေရှင်းချက်အသစ်တွေကို လက်ခံကြိုဆိုကြပါတယ်။
၇။ သူတို့က ကျေးဇူးသိတတ်ကြတယ်။
Emotional Intelligence မြင့်မားသူတွေဟာ နေ့စဉ်နေ့တိုင်းမှာ ကောင်းမြတ်ခြင်းတွေရှိနေပြီး အရှိတရားကို ကျေးဇူးတင်တတ်ကြသူတွေ ဖြစ်ပါတယ်။
ဖန်ခွက်တစ်ခွက်ထဲမှာ ရေတစ်ဝက်သာဖြည့်ထားမယ်ဆိုရင် လူအများစုက တ၀က်လျော့နေတဲ့အတွက် အပြစ်မြင်တတ်ကြပေမယ့် သူတို့ကတော့ တ၀က်ရှိနေတဲ့အတွက် ကျေးဇူးတင်တတ်သူတွေ ဖြစ်ပါတယ်။
သူတို့ဘ၀ကို သူတို့ကျေနပ်မှုရှိပြီး ဝေဖန်ပြစ်တင်မှုတွေနဲ့ ဘေးစကားတွေကို အာရုံမစိုက်တတ်ကြသူတွေဖြစ်ပါတယ်။
source: mmgentleman