Knowledge

Wednesday, 23 January 2019

ထူးချွန်တဲ့သားသမီးလေးတွေရရှိဖို့ စိတ်ပညာရှင်တစ်ဦးရဲ့ အကြံပြုချက်များ

လူတိုင်း ကိုယ်မွေးတဲ့ သားတွေ သမီးတွေကို အခြားသူတွေထက် သာလွန်ပြီး၊ အစစ အဆင့်အတန်း မြင့်မားစေလိုကြပါတယ်။

ဒီလိုဖြစ်ဖို့အတွက်လည်း မိဘတွေကိုယ်တိုင်က သားသမီးတွေကို ပိုးမွေးသလိုမွေးပြီး အရိပ်တကြည့်ကြည့်နဲ့ မမှားသင့်တာ မမှားအောင် သွန်သင်ဆုံးမနေကြတာ ဓမ္မတာဖြစ်ပါတယ်။

Harvard University မှ စိတ်ပညာရှင်တစ်ဦးက သားတွေသမီးတွေ တော်တဲ့ ထက်မြတ်တဲ့သူတွေ ဖြစ်စေဖို့အတွက် မိဘတွေ ပြုလုပ်ပေးသင့်တဲ့ အကြံပြုချက် (6)ချက်ကို Shwemom ရဲ့ သားသမီးရှိတဲ့ မိဘတွေသိစေဖို့ ပြန်လည် မျှဝေပေးလိုက်ပါတယ်။

ကလေးတွေကို သီးသန့်အချိန်ပေးပါ

ကလေးတွေ အထီးကျန်စိတ် မဖြစ်စေဖို့ မိဘတွေမှာ အဓိက တာဝန်ရှိပါတယ်။ သူတို့တွေကို ဖြစ်နိုင်ရင် တစ်ပတ်တစ်ခါလောက်ကို မိသားစု ပျော်ပွဲစားပုံစံမျိုးနဲ့ စိတ်ဖိအားကင်းမဲ့ဇုန်တွေမှာ နေပျော်တတ်ဖို့ သင်ပေးရပါမယ်။ မိဘတွေကိုယ်တိုင်ကလည်း ဘယ်လောက်ပဲ အလုပ်ရှုပ်ရုံမကလို့ နာနီတွေ၊ ကလေးထိန်းတွေ ငှားထားပါစေ၊ တစ်ရက်ကို အနည်းဆုံးတော့ နှစ်နာရီလောက် ကိုယ့်သားသမီးတွေနဲ့ စကားပြောခြင်း၊ ဆွေးနွေးခြင်း၊ ဗဟုသုတ မျှဝေခြင်းတွေြ့ပုလုပ်ရပါမယ်။

သူတို့ရဲ့ ၀ါသနာနဲ့ တိမ်းညွှတ်မှုတွေကို မျက်ခြေမပျက်ပါစေနဲ့

ကလေးတွေဟာ ငယ်ရွယ်ပါသေးတယ်။ ဒါပေမယ့် အသက်အတိုင်းအတာ အားဖြင့် မိမိမှာ ဘယ်လိုကိစ္စရပ်တွေမှာ Talent ရှိတယ်ဆိုတာကို သဘောပေါက်လာတတ်ကြပါတယ်။ သူတို့က သဘောမပေါက်ဘူးဆိုရင်တောင်မှ မိဘတွေက ကိုယ့်သားသမီး ဘယ်နေရာတွေမှာ တော်ပြီး၊ ဘယ်နေရာတွေမှာ ညံ့တယ်ဆိုတာ သိထားရပါမယ်။ ဒါမှလည်း အချန်မီ ပြုပြင် ထိန်းကြောင်းနိုင်မှာ ဖြစ်ပါတယ်။

ပြဿနာကို ဘယ်လိုဖြေရှင်းရမလဲ သွန်သင်ပါ

ကလေးတွေမှာလည်း ကလေးတွေနဲ့ သင့်တော်လိုက်ဖက်တဲ့ ဘ၀ပြဿနာလေးတွေ ရှိတတ်ပါတယ်။ ဥပမာအားဖြင့် ကျောင်းပျင်းတာတို့ ဘာတို့ဟာ ကလေးတိုင်း ဖြစ်တတ်ပါတာ်။ ဆိုတော့ ကိုယ့်ကလေး ကျောင်းပျင်းသလားဆိုတာ ကိုယ်က သိမှ ကလေးကို ဘယ်လို ထိန်းကြောင်းရမလဲဆိုတာ အဖြေရှာနိုင်မှာပါ။ ဒါကြောင့် မိဘေတွေက သားသမီးတို့ရဲ့ အခြေအနေ မှန်သမျှကို မျက်ခြေမပျက်ဖို့ လိုပါတယ်။

မိဘကို ကူညီတတ်စေဖို့ လမ်းပြပါ

လုပ်ငန်းခွင် နယ်ပယ်အသီးသီးမှာ Teamwork လို့ ခေါ်တဲ့ အစုအဖွဲ့နဲ့ ညီညီညွတ်ညွတ် ပြုလုပ်ရတဲ့ အလုပ်တွေ ရှိတတ်ပါတယ်။ ဒီလိုအခြေအနေမျိုးမှာ တစ်ချို့က ခိုကြ၊ ကပ်ကြ၊ အများနဲ့ဆို အလုပ်မလုပ်ချင်ဘူးဆိုတဲ့ လူတွေ ရှိတတ်ပါတယ်။ တကယ်တော့ ဒီလူတွေ နောက်ကြောင်းကို လိုက်မယ်ဆိုရင် မိဘတွေကိုယ်တိုင်က အခြေခံ Teamwork စိတ်ဓာတ် မွေးမပေးလိုက်ဘူးဆိုတဲ့ အဖြေ ထွက်ပါလိမ့်မယ်။

မည်သည့်နေရာမှာပဲ ဖြစ်ဖြစ် အောင်မြင်ကျော်ကြားလိုတယ်ဆိုရင် အများနဲ့စုပေါင်းလုပ်ကိုင်ရတဲ့ Teamwork ဆိုတဲ့ ကဏ္ဍကို လစ်လျှူရှုလို့ မရပါဘူး။ ဒါကြောင့် ငယ်ငယ်ကတည်းက မိသားစုဝင်အချင်းချင်း ကူညီရိုင်းပင်းတဲ့ စိတ်ဓာတ်ကလေးကို မိဘတွေက ပျိုးထောင်ပေးလိုက်ရမှာ ဖြစ်ပါတယ်။

သူတို့ရဲ့ အဆိုးမြင်စိတ်ကို ဖြေလျှော့ဖျောက်ဖျက်ပါ

မိဘတွေမှာ ဆိုးဝါးတဲ့ အပြုအမူတွေကတော့ ကလေးတွေကို ညစ်ညမ်းတဲ့ ဆဲနည်းတွေ သင်ပေးတာ၊ မတော်ရာကို ပုတ်ပြတဲ့ နည်းတွေ သင်ပေးတာဟာ အလွန်ကို ဆိုးဝါးတဲ့ အပြုအမူတွေပါဘဲ။ ဒါကို တစ်ချို့က ကလေးက တတ်လိုက်တာလို့ ဂုဏ်ယူပြီး တလွဲဆံပင်ကောင်းသူတွေ ရှိနေပါတယ်။ ဒါဟာ အလွန်ဖြူစင်တဲ့ ကလေးတွေရဲ့ စိတ်ကို အရွယ်မတိုင်ခင်ကတည်းက ညစ်ပတ်အောင် လုပ်လိုက်တာနဲ့ တူပါတယ်။ ဒီနည်းနဲ့ ကလေးတွေရဲ့ အဆိုးမြင်စိတ်၊ ရန်လိုစိတ်၊ ကန့်လန့်တိုက်စိတ် ဆိုတာတွေ ဖြစ်ပေါ်လာရတာပါ။

စိတ်ဝင်စားစရာတွေ ပြောပြမယ်

မိဘတွေရဲ့ လုပ်ငန်းဆောင်တာတွေထဲမှာ အရေးကြီးဆုံး အလုပ်တစ်ခုကတော့ ကလေးတွေကို အချိန် သီးသန့်ပေးပြီး ဗဟုသုတ ဖြစ်ဖွယ် ပုံပြင်တွေ၊ ဇာတ်လမ်းတွေ၊ အားကျအတုယူဖွယ် ကမ္ဘာကျော်ပုဂ္ဂိုလ်ကြီးများအကြောင်းတွေ ပြောပြခြင်း ဖြစ်ပါတယ်။ ဒီအချက်ဟာ ဘယ်လောက်အထိ အရေးပါသလဲဆိုရင် သင့်ရဲ့ သားသမီးတွေ အောင်မြင်ခြင်း၊ အောင်မြင်လိုစ်ိတ်ရဲ့ အခြေခံအုတ်မြစ်လို့တောင် ပြောလို့ရပါတယ်။

source : brightside.me
Credit: Shwemom

Read times Last modified on Wednesday, 29 January 2020 11:25
Rate this articles
(1 Vote)