ဘုန်းကြီးကို ဘီးဘယ်လို ရောင်းမလဲ ကြမလဲဗျ။ ဒီလိုကြားရင် သင့်အနေနဲ့ မဖြစ်နိုင်တဲ့ ကိစ္စလို့ တွေးကောင်းတွေးနိုင်ပါလိမ့်မယ်။
ဒီလို တွေးတတ်တဲ့အကျင့်ကိုအရင်ဖျောက်ပါ။ လူတော်တော်များများက အခက်အခဲနဲ့ ရင်ဆိုင်လာရရင် မဖြစ်နိုင်ဘူး၊ မလုပ်နိုင်ဘူးဆိုပြီးတော့ လက်လျှော့တတ်ကြပါတယ်။ ဖြစ်လာတဲ့ အကြောင်းအရာပေါ်မှုတည်ပြီး မဖြစ်နိုင်ဘူးဆိုတာကို ဖယ်ထုတ်ပြီး ဘယ်လိုလုပ်ရင် အဆင်ပြေနိုင်မလဲ။ ဘယ်လိုလုပ်ရင် အကောင်းဆုံးဖြစ်မလဲဆိုတာ အရင်စတွေးတတ်ဖို့လိုပါတယ်။ ကိုယ့်ဘက်က ဘာမှမလုပ်ကြည့်ပဲ လက်လျော့နေမယ်ဆိုရင်တော့ ဘာမှဖြစ်လာမှာမဟုတ်ဘူး။ ယခုပြောပြပေးမယ့် အကြောင်းအရာကတော့ ဆရာမိုးရှင်းရေးတဲ့ ဘုန်းကြီးကိုဘီးဘယ်လိုရောင်းမလဲ ဆိုတဲ့ ဆောင်းပါး ဖြစ်ပါတယ်။
တစ်ခါတုန်းက Company အကြီးကြီးတစ်ခုမှာ Sales (အရောင်းဝန်ထမ်း) ရာထူးအတွက် အလုပ်လျှောက်တဲ့ ဝန်ထမ်း(၃)ဦးရှိခဲ့ပါတယ်။ သူတို့၃ယောက်လုံးဟာ ရာထူး နေရာအတွက် သင့်တော်သူတွေမို့ အင်တာဗျူးမေးတဲ့ သူက ခေါင်းခဲလာပါတယ်။ နောက်တော့ အကြံရပြီး သူတို့သုံးယောက်လုံးကို အလုပ်တစ်ခု စေခိုင်းခဲ့ပါတယ်။
ခိုင်းလိုက်တဲ့ အလုပ်ကတော့ တောင်ကုန်းပေါ်မှာရှိတဲ့ ဘုန်းကြီးတွေဆီကို ဘီးသွားရောင်းခိုင်းခြင်းပဲ ဖြစ်ပါတယ်။ ၃ရက်အချိန်ပေးလိုက်ပြီး အရောင်းရဆုံးသူကို အလုပ်ခန့်မယ်လို့ ပြောလိုက်ပါတယ်။ ၃ရက်ကုန်ဆုံးသွားတဲ့ အခါမှာတော့ သူတို့(၃)ယောက်လုံး အင်တာဗျူး မေးတဲ့ဆီကို ပြန်ရောက်လာကြပါတယ်။
ပထမလူက "ကျွန်တော်ဘီးတစ်ချောင်းပဲ ရောင်းထွက်ခဲ့ပါတယ်။ ဘုန်းကြီးဆူတာလဲ ခံလိုက်ရသေးတယ်ဗျာ။ ကျွန်တော်က သူ့ကိုလှောင်ပါတယ်ဆိုပြီး တော်တော်ဒါသထွက်လာလို့ ကျွန်တော် စိတ်ပျက်လက်ပျက်နဲ့ လှည့်ပြန်လာရတယ်။ ပြန်တဲ့လမ်းမှာ ကိုရင်လေးတစ်ပါး ခါင်းကိုတောက်လျှောက်ကုတ်နေတာတွေ့လို့ သူ့ကို ဘီးနဲ့ကုတ်ရင် ဘယ်လောက်သက်သာမယ်ဖြစ်ကြောင်းရှင်းပြခဲ့ပါတယ်။ အဲ့ဒီဘီးတစ်ချောင်းပဲ ရောင်းထွက်ခဲ့ပါတယ်" လို့ အင်တာဗျူးမေးသူကိုပြန်ပြောပြပါတယ်။
ဒုတိယလူက "မင်းတော်ပါတယ်ကွ၊ ဒါပေမယ့် ငါက ပိုတော်တယ်ကွ။ ငါက ဘီး၁၀ချောင်းတောင် ရောင်းထွက်ခဲ့တယ်။" အင်တာဗျူးမေးတဲ့သူကလည်း "မင်းဘယ်လိုများရောင်းခဲ့တာလဲ?"လို့ စိတ်ဝင်တစား မေးတဲ့အခါမှာတော့ ဒုတိယလူက"တောင်ပေါ်က ဘုန်းကြီးကျောင်းကိုလာတဲ့ သူတွေဟာ လေတိုက်တဲ့ ဒဏ်ကြောင့် ဆံပင်တွေ ဖရိုဖရဲဖြစ်နေတာကို ကျွန်တော် သတိထားမိခဲ့ပါတယ်။ ဒါနဲ့ကျွန်တော်လည်း ဘုန်းကြီးတစ်ပါးကို ကပ်ပြီး အကယ်၍ ဘုန်းကြီးကျောင်းမှာဘီးသာရှိရင် လာရောက်သူတွေအနေနဲ့ သူတို့ကို သူတို့ သပ်သပ်ရပ်ရပ်ဖြစ်အောင် ပြန်လုပ်နိုင်ပြီး ဘုန်းကြီးတွေကိုရှိခိုးတဲ့ အခါမှာလည်း ပိုမိုလေးစားရာရောက်လိမ့်မယ် ဖြစ်ကြောင်းရှင်းပြလိုက်တယ်လေ။ ဒါနဲ့ဘုန်းကြီးလည်း ဘီး၁၀ချောင်းဝယ်ထားလိုက်တယ်။" လို့ အင်တာဗျူးမေးသူကို ရှင်းပြပါတယ်။
တတိယလူက "သိပ်လည်း အလျင်မလိုကြပါနဲ့အုံးဗျ၊ သူတုို့၂ယောက်လုံးထက်ပိုရောင်းခဲ့တဲ့ ကျွန်တော်ရှိပါသေးတယ်" လို့ ဆိုလာပါတယ်။ အင်တာဗျူးမေးသူကလည်း စိတ်ဝင်စားလာပြီး "မင်း ဘယ်နှစ်ချောင်းတောင်ရောင်းနိုင်ခဲ့တာလဲ"လို့ မေးတော့ တတိယလူက "အချောင်း ၁၀၀၀ ရောင်းနိုင်ခဲ့ပါတယ်"လို့ ဆိုလာပါတယ်။ အင်တာဗျူးမေးသူလည်း အံ့သြသွားပြီး "အားပါးပါး..မင်းဘယ်လိုများ အဲ့လောက်တောင် ရောင်းရအောင် လုပ်ခဲ့တာလဲ"ကွလို့ မေးလာပါတယ်။
တတိယလူက "ကျွန်တော် အရင်ဆုံးတောင်ကုန်းပေါ်က ဘုန်းကြီးကျောင်းတွေထဲက အကြီးဆုံး ဘုန်းကြီးကျောင်းကိုရွေးလိုက်ပါတယ်။ နောက်တော့ ကျောင်းထိုင်ဘုန်းကြီးနဲ့တွေ့ပြီး လူပေါင်းများစွာကို အေးချမ်းမှုပေးတဲ့အတွက်ကျေးဇူးတင်စကားဆိုခဲ့ပါတယ်။ ကျောင်းထိုင်ဘုန်းကြီးက သဘောကောင်းတဲ့ ဘုန်းကြီးတစ်ပါးဖြစ်ပြီး သူလည်းသူ့ဆီလာရောက်တဲ့သူတွေကို ဘယ်လိုမျိုး ကျေးဇူးတင်ကြောင်း ပြသရမှန်းမသိဖြစ်နေကြောင်း ကျွန်တော့်ကိုပြောပြခဲ့ပါတယ်။ ကျေးဇူးတင်ကြောင်းပြသဖို့အကောင်းဆုံး နည်းလမ်းက ဗုဒ္ဓရဲ့အဆုံးအမတွေပါတဲ့ လက်ဆောင်ပစ္စည်းတစ်မျိုးမျိုးပေးတာကောင်းမည်ဖြစ်ကြောင်း၊ နေ့တိုင်းအသုံးပြုတဲ့ ပစ္စည်းမျိုးဖြစ်ရင် ပိုကောင်းကြောင်း ပြန်လည်ရှင်းပြလိုက်ပါတယ်။ နောက်တော့ ကျွန်တော် သစ်သားထွင်းပြီး ဗုဒ္ဓအဆုံးအမတွေရေးထားတဲ့ ဘီးတစ်ချောင်းကို ဘုန်းကြီးကို ထုတ်ပြလိုက်ပါတယ်။ လူတွေဟာ ဘီးကို နေ့တိုင်းအသုံးပြုပြီး ဒီဘီးကိုမြင်တိုင်း ဗုဒ္ဓအဆုံးအမတွေကို သတိရနေမည်ဖြစ်ကြောင်း ရှင်းပြခဲ့ပါတယ်။ ကျောင်းထိုင်ဘုန်းကြီးလည်း သဘောကျပြီး ဘီး၁၀၀၀ မှာယူခဲ့ပါတယ်။"လို့ အင်တာဗျူးမေးသူကို ပြန်ပြောပြခဲ့ပါတယ်။
အခြား၂ယောက်ထဲက တစ်ယောက်က "မင်းကံကောင်းသွားတာပါကွာ"လို့ ပြောတဲ့အချိန်မှာတော့ အင်တာဗျူးမေးသူက "မဟုတ်ဘူး။ သူကံကောင်းတာမဟုတ်ဘူး။ သူက အစတည်းက Planရှိတာ။ အဲ့ဒါကြောင့် စာသားထွင်းထားတဲ့ဘီးကို သူယူသွားတာပေါ့။ အကယ်၍ အဲ့ဒီဘုန်းကြီးကျောင်းက မလိုချင်ရင်တောင် အခြားကျောင်းတစ်ခုက လိုချင်မှာအသေအချာပဲ" လို့ ပြောလာပါတယ်။
တတိယလူက "ဒါတင်မကသေးဘူးဗျ။ နောက်နေ့ ကျွန်တော်ပြန်သွားပြီး အဆင်ပြေရဲ့လား သွားမေးတဲ့အချိန်မှာဘုန်းကြီးက သူ့ကျောင်းကိုလာတဲ့သူတွေဟာဒီဘီးအကြောင်း ဆွေမျိုးသားချင်း၊ သူငယ်ချင်းတွေကိုပြောပြပြီး ဒီဘီးသတင်းဟာ နာမည်ကြီးနေပြီဖြစ်ကြောင်း၊ ဘုန်းကြီးကျောင်းလာသူတွေလည်း ပိုမိုများပြားလာကြောင်း၊လူတိုင်းကလည်း ဘီးအကြောင်းပဲမေးနေကြောင်း၊ တစ်လအတွင်း ဘီးတွေကုန်သွားတော့မှာမို့ နောက်ထပ် ထပ်ပြီးမှာမည်ဖြစ်ကြောင်း ကျွန်တော့်ကို ပြောခဲ့ပါသေးတယ်"လို့ ပြောပြလာပါတယ်။
သင်ခန်းစာယူသင့်သည်များ
အလုပ်လျှောက်သူ အားလုံးဟာ မတူညီတဲ့ အရည်အချင်းကို ပြသခဲ့ပါတယ်။
ပထမလူက ဝယ်သူရဲ့ လိုအပ်ချက်ကို ဖြည့်ဆည်းပေးနိုင် ခြင်းဆိုတဲ့ အခြေခံအကျဆုံး အချက်ကို အသုံးချနိုင်ခဲ့ပါတယ်။ခေါင်းကုတ်နေတဲ့ကိုရင်လေးကိုပဲ ရောင်းချနိုင်ခဲ့ပါတယ်။
ဒုတိယလူကတော့ ပထမလူထက် အဆင့်နည်းနည်းမြင့်ပါတယ်။ ဘုန်းကြီးက ဘီးမလိုတာကို သူသိပါတယ်။ ဒါပေမယ့် ဘုန်းကြီးအတွက် ဘီးက အခြားတစ်နေရာရာမှာ ဘယ်လို အသုံးဝင်နိုင်ကြောင်း ထောက်ပြနိုင်ခဲ့ပါတယ်။
တတိယလူကတော့ အကောင်းဆုံး စွမ်းဆောင်ရည်ကို ပြသခဲ့ပါတယ်။ တစ်ခါတည်းတောင်မဟုတ်ဘူး၊ ထပ်ခါ ထပ်ခါရောင်းရမယ့် အနေအထားကို သူဖန်တီးနိုင်ခဲ့ပါတယ်။ သူလုပ်ခဲ့တဲ့ ဖြစ်စဉ်မှာ ဘုန်းကြီး၊ လာရောက်သာဧည့်သည်များ၊သူကိုယ်တိုင်၊ အင်တာဗျူးသူ စတဲ့သူတွေအားလုံးကို ကောင်းကျိုးပေးနိုင်ခဲ့ပါတယ်။ မိမိရဲ့ဖာက်သည်ကို ဘယ်တော့မှ တစ်ခါသုံးဖောက်သည်အဖြစ် မကြည့်သင့်ပါဘူး။ စေတနာပါပါ ကြိုတင်ပြင်ဆင်မှုရှိရှိနဲ့ မိမိရဲ့ဖောက်သည်အပြင် ထိုဖောက်သည်ရဲ့ အသိုင်းအဝိုင်း တစ်ခုလုံး အကျိုးရှိမယ့် အလုပ်မျိုးလုပ်နိုင်ရင် မိမိလည်း စိတ်ချမ်းသာနိုင်မည်ဖြစ်ကြောင်းကို သူက ပြသခဲ့ပါတယ်။ မိမိရဲ့အကျိုးကျေးဇူး တစ်ခုတည်းနဲ့ စတင်လို့မရပါဘူး။ မိမိပစ္စည်း အသုံးပြုသူရဲ့ အသုံးဝင်မှု၊ စိတ်ချမ်းသာမှုတွေကို ထည့်တွက်သင့်ပါတယ်။
မဖြစ်နိုင်ဘူးဆိုတာမရှိဘူး။ အမြဲနည်းလမ်းရှိတယ်။
ခေါင်းအေးအေးနဲ့ စဉ်းစားဖို့တော့ လိုအပ်ပါတယ်။
source - မိုးရှင်း (I.M.T)
sayar.com
