ကျွန်တော်ငယ်ငယ်က စာတော်တယ်လို့ပြောလို့ရပါတယ်။
သူငယ်တန်းမှနဝမတန်းအထိ1 to 3အဆင့်အမြဲဝင်ခဲ့ပါတယ်။
ကျွန်တော်ကကျောင်းစာတွေကိုအမြဲ
ကြိုးစားကျက်မှတ်နေခဲ့သူပါ။
ဒီတော့ အဲ့ဒီကာလက စာမေးပွဲတွေမှာ
အလွတ်ကျက်နိုင်တဲ့ကျွန်တော်ကအတန်းတိုင်းမှာအဆင့်ကောင်းခဲ့ပါတယ်။
စာတော်တဲ့အထဲပါတော့
အတန်းထဲမှာကျွန်တော်မျက်နှာရခဲ့ပါတယ်။ဆရာ/မတွေရဲ့မျက်နှာရသလိုအချစ်တော်လည်းဖြစ်ခဲ့ရပါတယ်။
ဆရာ/မနားနေခန်းမှာ
စာတွေသွားသွားမေးပြီး အချိန်ရှိသရွေ့စာလုပ်နေတဲ့ကျွန်တော့်မှာအပေါင်းအသင်းနည်းပါးခဲ့တယ်။
အရင်ကတော့ ကျွန်တော့်စိတ်ထဲမှာ
အဆင့်၁/၂/၃ရရင်စာတော်မယ်ဆိုရင်
အသက်ကြီးလာရင် ပညာတတ်ကြီးတွေဖြစ်လာလိမ့်မယ်
ငွေတွေချမ်းသာကြလိမ့်မယ်
ဘဝမှာအမြဲအောင်မြင်ကြမယ်လို့
ထင်ခဲ့မိတယ်...
ဆရာဆရာမတွေကလည်းစာတော်သူသည်သာ စံပြ၊
စာတော်သူသည်သာ ဆရာဝန် /အင်ဂျင်နီယာတွေဖြစ်ကြလိမ့်မယ်
စာတော်တဲ့သူတွေသည်သာ ချမ်းချမ်းသာသာနေရလိမ့်မယ်
ဆိုပြီးအမြဲပြောခဲ့ကြတယ်...
အဲ့ဒီတော့ကျွန်တော်စိတ်မှာကိုယ်ကိုကိုယ်အောင်မြင်မယ်ထူးချွန်မယ်ကြီးပွားချမ်းသာမယ်လို့အမြဲအထင်ရောက်နေခဲ့တယ်။စွဲစွဲမြဲမြဲယုံကြည်နေမိခဲ့ပါတယ်။
အဲ့ဒီလိုဘဲ
အမှတ်မကောင်း
အဆင့်မကောင်းသူတွေဟာလည်း
ငါတို့ကြီးလာရင် လူရာဝင်မှာမဟုတ်ဘူးဆိုပြီးတော့လည်းသူတို့စိတ်မှာ
အတွေးရှိခဲ့ကြဘူးတယ်....
အဆင့်ကောင်းတဲ့ကျွန်တော်ဟာ
ဆရာ/မတွေရဲ့မျက်နှာသာပေးခြင်းကို
ခံခဲ့ရပါတယ်။ပြောရရင်လူရာဝင်ခဲ့တယ်ပေါ့။စာတော်တဲ့သူဆိုပေမဲ့လည်းမည်သည့်သူငယ်ချင်းများအပေါ်မှာမှနှိမ့်ချဆက်ဆံခြင်းမျိုးမပြုလုပ်ခဲ့ပါ။ခွဲခြားဆက်ဆံခြင်းလည်းမလုပ်ခဲ့ပါ။
ဒီလိုနဲ့တစ်ခန်းထဲတက်၊တစ်ခုံထဲထိုင်ခဲ့ကြတဲ့သူငယ်ချင်းတွေဟာဘဝခရီးလမ်းကိုယ်စီမှာကိုယ်လမ်းကိုဆက်လျောက်ကုန်ကြဘီပေါ့လေ။
အာစရိယပူဇော်ပွဲလိုအချိန်အခါသမယမျိုးမှာငယ်ပေါင်းသူငယ်ချင်းတွေနဲ့ပြန်ဆုံကြတော့မမှတ်မိနိုင်လောက်အောင်ပြောင်းလဲကုန်ကြဘီလေ။
ခုချိန်မှာသတိထားမိတာတခုက
ငယ်ငယ်ကအဆင့်၁ဆိုတဲ့သူတိုင်းလည်း
မချမ်းသာကြသလို...
အမှတ်ကောင်းခဲ့တဲ့သူတိုင်းလည်း
ဆရာဝန်မဖြစ်ခဲ့ကြပါဘူး
ဆရာမတွေရဲ့မျက်နှာသာပေးတာခံခဲ့ရတဲ့
သူတချို့လည်း
လောကဓံရဲ့မျက်နှာသာပေးခြင်းကိုမခံရဘဲ အဆင်မပြေဖြစ်နေကြတဲ့သူတွေလည်းတွေ့နေရတယ်။(ဥပမာ-မူလတန်းပြကျောင်းဆရာလေးကျွန်တော်)
၉တန်းတောင်မအောင်တဲ့သူတွေက
သိန်းကိုသောင်းနဲ့ချီချမ်းသာနေကြပြီး...
နှစ်စဉ်ပထမရခဲ့တဲ့သူတချို့ကတော့
ရာထူးတစ်ခု ခုံတစ်လုံး
ဘောပင်တစ်ချောင်းနဲ့
အသက်တွေကြီးသွားတာမျိုးကိုဘဲတွေ့မြင်နေရတယ်(ဥပမာ-ကျွန်တော်ပေါ့)။
ဆယ်တန်းကိုရိုးရိုးသာအောင်ခဲ့တဲ့သူတွေက
ကားထည်လဲစီးနေကြပြီး
ဂုဏ်ထူးတွေနဲ့အောင်တဲ့သူတွေက
စက်ဘီး/ဆိုင်ကယ်လေးပဲစီးနေရတုန်းပဲ...
စာတော်ခဲ့ပြီး ခုလည်းအဆင်ပြေနေကြသူတွေရှိသလို
စာညံ့တဲ့သူတွေ ခုလည်းဆင်းရဲနေတုန်းပဲဆိုတာလည်း
ကျွန်တော်တွေ့နေရတယ်
ဆိုတော့...
ကျွန်တော်တို့ငယ်ငယ်က စာမရလို့စိတ်ဓာတ်ကျပြီး
ငိုခဲ့သူတစ်ချို့ကိုအခုအချိန်မှာစကားတောင်ရဲရဲမပြောရဲတော့ဘူး။
ကြီးပွားချမ်းသာအောင်မြင်နေကြဘီ။ရာထူးကြီးနေကြဘီလေ။
အဲ့ဒီအချိန်မှာအဆင့်၁/၂/၃ရခဲ့ဘူးတဲ့ကျွန်တော်ကတော့ယခုအချိန်မှာဆိုရင်
တောကျောင်းလေးကမူလတန်းပြဆရာလေးဘဝမှာငယ်ဆရာတွေရဲ့ဂုဏ်ကျေးဇူးကိုအောင့်မေ့သတိရရင်တပည့်မရှားတပြားမရှိ၊ပီတိကိုစားအားရှိသောဘဝမှာဖြတ်သန်းနေရဘီပေါ့။
ကျွန်တော်တို့ဘဝရဲ့အဆုံးအဖြတ်ဟာ
Report card ပေါ်ကအဆင့်သာလျှင်ဖြစ်တယ်
လို့ကျွန်တော်ထင်နေခဲ့တာတွေ...
အားလုံးဟာ ဟာသတွေဖြစ်ကုန်တယ်
"စာမရရင် ခွက်ဆွဲပြီးတောင်းစား" တို့
"ပညာမတတ်ရင် သူတောင်းစားဖြစ်မယ်"တို့
အမြဲကြားနေကြစကားလုံးတွေဟာ
ခုတော့ ပြုံးစရာတွေဖြစ်ကုန်တယ်
အထူးသဖြင့် ဘွဲ့ရအိမ်ဖော်တွေကိုမြင်တဲ့အခါတိုင်းပေါ့...
ကံကြမ္မာရဲ့အဆုံးအဖြတ်ဟာ
အဆင့်သက်မှတ်ချက်တွေထက်
ပိုအရေးကြီးတယ်ဆိုတာသိလာတဲ့အခါ..
ဘဝပေးအခြေအနေနဲ့
မိဘရဲ့ထောက်ပံ့ပေးနိုင်မှုတွေဟာ
အတန်းထဲမှာ ပထမရတာထက်
ပိုအရေးကြီးတယ်ဆိုတာ...
ပညာရေးမှာမထူးချွန်ပေမယ့်
လူတိုင်းဟာ တခြားတစ်ခုခုမှာ
ထူးချွန်နိုင်တယ်ဆိုတာ...
ဘဝမှာ ကိုယ်ယုံကြည်ရာကိုသာ
သေချာကြိုးစားရင်
အဆင့်၁မရလည်းကိစ္စမရှိဘူးဆိုတာ
သိလာတဲ့အချိန်မှာ...
ကျွန်တော့်သားသမီးတွေကို
အတန်းထဲမှာ ပထမရဖို့
အသည်းအသန်ကြိုးစားပြီး
အပူလောင်နေတဲ့မိဘတွေထဲ
ကျွန်တော် မပါချင်တော့ဘူး...
ကျွန်တော့်တပည့်သားသမီးတွေကို
စကားတခွန်းပဲအမြဲပြောဖြစ်တယ်ဆုံးမဖြစ်တယ်။
"အဆင့် ၁ရဖို့ထက်
လူကောင်းဖြစ်အောင် ကြိုးစားပါ
အဆင့်၁ ရဖို့ထက်
လူရာဝင်အောင် လူဝင်ဆံ့အောင်ပိုကြိုးစားပါ
အတန်းထဲမှာ မျက်နှာရဖို့ထက်
ပြင်ပလောကမှာ အောင်မြင်စွာရပ်တည်ဖို့
အမြဲကြိုးစားပါ"
Min Yel Kyaw Swar
Credit:W.Y.M.H
ပညာရေးနှင့်အထွေထွေဗဟုသုတ
