စီးပွားရေး လုပ်ငန်းရှင်တစ်ယောက်ဟာ လမ်းဘေးမှာ ခဲတံလေးတွေရောင်းပြီး ငွေတောင်းနေတဲ့ လူတစ်ယောက်ရဲ့ ခွက်ထဲကို တစ်ဒေါ်လာ ထည့်လိုက်ပါတယ်။ ပြီးတော့ သုတ်သီးသုတ်ပျာနဲ့ ရထားပေါ်ကို ပြေးတက်သွားပါတယ်။
နောက်မှ သတိရပြီး ရထားပေါ်က ပြန်ဆင်းလာကာ စောစောက သူငွေထည့်ပေးခဲ့တဲ့ သူဆီ ပြန်သွားပြီး ခွက်ထဲက ခဲတံတစ်ချောင်းကို နှိုက်ယူလိုက်ပါတယ်။ ပြီးတော့ သူက အလောတကြီး ဖြစ်နေလို့ ငွေထည့်ပြီး ခဲတံယူဖို့ မေ့သွားတယ်လို့ ပြုံးပြပြီး ပြောပါတယ်။
နောက်ပြီး သူက ငွေတောင်းနေသူကို ပြောတယ်။ “ ခင်ဗျားလည်း ကျွန်တော့်လို စီးပွားရေးလုပ်ငန်းရှင်တစ်ယောက်ပဲလေ။ ခင်ဗျားမှာ ရောင်းစရာတွေ ရှိနေပြီး ဒါတွေကို သင့်တင့်မျှတတဲ့ ဈေးနှုန်း သတ်မှတ်ထားတာပဲ မဟုတ်လား။ ကြိုးစားပါ။ ” လို့ ပြောပြီး ရထားပေါ် တက်သွားခဲ့ပါတယ်။
နောင်နှစ်ပေါင်းများစွာကြာတဲ့အခါ လူမှုရေးပွဲလမ်းသဘင်တစ်ခုမှာ သားသားနားနား ဝတ်စားထားတဲ့ သူတစ်ယောက်က စီးပွားရေးလုပ်ငန်းရှင် ကြီးထံလာပြီး သူ့ကိုယ်သူမိတ်ဆက်ပါတယ်။ “ ခင်ဗျားကတော့ ကျွန်တော့်ကို မှတ်မိမှာမဟုတ်ပေမယ့် ခင်ဗျားကို ကျွန်တော် ဘယ်တော့မှာ မေ့မှာမဟုတ်ပါဘူး။ ခင်ဗျားနဲ့ မတွေ့မီ အချိန်အထိတော့ ကျွန်တော်ဟာ ခဲတံလေးတွေရောင်းတဲ့ သူတောင်းစားတစ်ယောက်ပါပဲ။ ဒါပေမယ့် ခင်ဗျားက ကျွန်တော့်ကို စီးပွားရေးလုပ်ငန်းရှင်ပဲလို့ ပြောသွားခဲ့တဲ့ အချိန်ကစပြီး၊ ကျွန်တော်ဟာ စီးပွားရေးလုပ်ငန်းရှင် ဖြစ်သွားတယ် ” လို့ ပြောခဲ့ပါတယ်။
သူဟာ သူ့ကိုယ်သူ သူတောင်းစားပဲလို့ တွေးတောထားတဲ့ အမြင်ကနေ ရုတ်တရက် စကားတစ်ခွန်းကြောင့် သူ့အတွေးတွေ ပြောင်းသွားတယ်။ သူ့ကိုယ်သူ အဲ့ဒီအချိန်ကစပြီး သူဟာ စီးပွားရေးလုပ်ငန်းရှင်တစ်ယောက်ပဲလို့ တွေးတောခဲ့တယ်။ စီးပွားရေး လုပ်ငန်းရှင်တစ်ယောက်လို စတင် ကျင့်သုံး ပြုမူခဲ့တယ်။ သူအတွေးတွေဟာ သူ့ဘဝရဲ့ ပဲ့တင်သံတွေပါပဲ။
မိမိအတွေး ပုံရိပ်ထဲမှာ “ ငါဟာ သူတောင်းစားပဲ ” လို့ တွေးပါများရင် “ ငါဟာ သူတောင်းစားပဲ ” ဆိုတဲ့ အသံသာ အထပ်ထပ် ပြန်ကြားနေရမှာပါ။ “ ငါဟာလုပ်ငန်းရှင်ပဲ ” လို့ တွေးလိုက်တာနဲ့ “ ငါဟာ လုပ်ငန်းရှင်ပဲ ” ဆိုတဲ့ အတွေး ပဲ့တင်သံ ပြန်လာမှာ အသေအချာပါပဲ။ နောက်ပြီး ဒီပုံပြင်လေးထဲက စီးပွားရေးလုပ်ငန်းရှင်ကြီးလို သင်လည်း သူတစ်ပါးကို အကောင်းမြင်ပြီး စိတ်ခွန်အား ဖြစ်စေမယ့် စကားလုံးတွေနဲ့ ကူညီနိုင်ပါတယ်။
လူတွေရဲ့ ခန္ဓာကိုယ်ထဲမှာ ပါရမီတွေ၊ အစွမ်းအစတွေ ရှိနေကြပါတယ်။ ဒါတွေကို သင်က နှိုးဆွပေးလိုက်ရုံနဲ့ သူ့ကိုယ်ထဲက အစွမ်းအစတွေဟာ အငြိမ်မနေနိုင်ပဲ စွမ်းအားတွေအဖြစ် ထွက်ပေါ်ကာ သူ့ဘဝတစ်ခုလုံးကို ပြောင်းလဲသွားစေနိုင်ပါသေးတယ်။ ဒီလိုနည်းနဲ့ သင်က လူတွေရဲ့ ဘဝတွေကို တိုးတက်အောင်မြင်သွားအောင် စေတနာစိတ်ဓာတ်အပြည့်နဲ့ ကူညီပေးမယ်ဆိုရင် သင့်ကူညီမှုရဲ့ ပဲ့တင်သံတွေဟာ သင့်ထံ ပြန်လာမှာ မလွဲမသွေပါပဲ။
တခြားသူတွေရဲ့ဘဝကို မြှင့်တင်ပေးခြင်းအားဖြင့် သင်ကိုယ်တိုင်လည်း သေချာပေါက် တိုးတက်အောင်မြင်လာမှာ ဖြစ်တယ်ဆိုတာ အာမခံပါတယ်။ သင်ပြုတဲ့ကံ၊ ပဲ့တင်သံ၊ သင့်ထံ ပြန်လာမှာပဲ ဖြစ်ပါတယ်။
Recommended for you - သင့်ကိုယ်သင်နေ့စဉ်ပြန်မေးသင့်သောမေးခွန်း (၅)ခု
Recommended for you - ပညာရေး ၀ိဇ္ဇာ၊ သိပ္ပံစာပေးစာယူ သင်တန်းများသို့ ဆရာအတတ်ပညာ ဒီပလိုမာရသူအားလုံး တက်ခွင့်ရမည်ဟုဆို
Credit; ဖူးကျော်ဇင် (Future Wave)