အလုပ်အင်တာဗျူး မဖြေခင် ဒါတွေတော့ ဖတ်ထားဖို့လိုမယ်နော်…။
လုပ်ငန်းခွင်လောကမှာ ကျင်လည်နေတဲ့ ဘော်ဘော်တို့အတွက် အင်တာဗျူးဆိုတာ အမြဲရှောင်လွှဲလို့မရတဲ့ အရာပါ။ ဒါကြောင့် အက်ဒ်မင် ဒီတစ်ခါပြောပြချင်တာက အင်တာဗျူးမှာ မေးလေ့ရှိတဲ့ မေးခွန်းတွေအကြောင်းပဲဖြစ်ပါတယ်။
ဒီမေးခွန်းတွေက အလုပ်စဝင်ကာစသူတွေကနေ ရာထူးအဆင့်ဆင့်တိုင်းအတွက် မေးလေ့ရှိတဲ့ မေးခွန်းတွေပါပဲ..
၁။ ကိုယ့်အကြောင်းကိုယ် မိတ်ဆက်ပေးပါ။
ဒါကတော့ ငယ်ငယ်ကရေးဖူးတဲ့ Myself အကြောင်းလိုပါပဲ။ ဒါပေမဲ့ ကလေးတုန်းကလို အဖေနာမည် အမေနာမည်ကအစ ထည့်ပြောဖို့ကတော့ မလိုပါဘူး။ ကိုယ့် ပညာရေး၊ အရင်က အလုပ်လုပ်ဖူးတယ်ဆိုလည်း အရင်က အလုပ်အကြောင်း၊ ကိုယ့်ရည်မှန်းချက်အကြောင်း၊ ပြီးတော့ ကိုယ့်ဝါသနာ၊ ကိုယ့်အားသာချက် အားနည်းချက် စတာတွေကို ပြောလို့ရပါတယ်။
၂။ ဒီကုမ္ပဏီအကြောင်းကို ဘယ်လောက်သိလဲ
ဒီမေးခွန်းအတွက်ဆိုရင် ဒီကုမ္ပဏီအကြောင်းကို အရင်ကသိသည်ဖြစ်စေ မသိသည်ဖြစ်စေ အင်တာဗျူးမလာခင်ထဲက ဒီကုမ္ပဏီအကြောင်းကို လေ့လာသွားပါ။ ပြီးရင် ကိုယ်သိသလောက် နည်းနည်းပဲ ဖြစ်ပါစေ ဖြေလို့ရပါတယ်။ မသိဘူးလို့ လုံးဝမဖြေသင့်တဲ့ မေးခွန်းပါ။ မသိဘူးလို့ ဖြေလိုက်မယ်ဆိုရင်တော့ “ဟင်… ကိုယ်အလုပ်ဝင်မယ့် ကုမ္ပဏီအကြောင်းတောင် ကိုယ်မသိဘူး၊ စိတ်ဝင်စားမှု မရှိဘူး” ဆိုတာမျိုး ဖြစ်သွားနိုင်ပါတယ်။
၃။ ဘာကြောင့် ဒီကုမ္ပဏီမှာ အလုပ်လုပ်ချင်တာလဲ
ဒီကုမ္ပဏီက ကိုယ့်ရဲ့ အနာဂတ်ရည်မှန်းချက်ကို ရောက်အောင် ကူညီပေးနိုင်ပါတယ်၊ ဒီ ကုမ္ပဏီမှာဆိုရင် ကိုယ်ဝါသနာပါရာတွေလုပ်နိုင်တယ်၊ ကုမ္ပဏီနဲ့ ကိုယ်နဲ့ အပြန်အလှန်အကျိုးရှိနိုင်တယ် အစရှိသဖြင့် ဖြေလို့ရပါတယ်။
၎။ မင်းက ငါတို့အတွက် ဘာတွေလုပ်ပေးနိုင်မှာလဲ/ ဒီရာထူးကိုရရင် မင်းက ဒီကုမ္ပဏီအတွက် ဘာတွေလုပ်ပေးနိုင်မလဲ။
ဒါက ကိုယ့်ကိုယ်ကိုယ် ကြော်ငြာပေးဖို့ လမ်းဖွင့်ပေးတဲ့ မေးခွန်းပါ။ ဒီအတွက် အဖြေကိုတော့ ကိုယ့်ရဲ့အားသာချက်မှန်သမျှအကြောင်း များများပြောပေးပါ။ လိုအပ်ရင် ပိုပိုသာသာလေးပြောတာကလည်း မမှားပါဘူး။ ကိုယ်မလုပ်နိုင်တာ ကိုတော့ ပိုမပြောမိဖို့ သတိထားဖို့ လိုပါတယ်နော်… အဓိကက ကြော်ငြာတစ်ခုကို သုံးစွဲသူ တစ်ယောက်တွေ့ရင် သုံးချင်လာအောင် ဆွဲဆောင်ရသလို အလုပ်ရှင်က ကိုယ့်ကို အလုပ်ခန့်ချင်အောင် ကိုယ့်အရည်အချင်းကို ထုတ်ဖော်ပြသရမှာပါ။
၅။ မင်းရဲ့ အသက်မွေးဝမ်းကျောင်းရည်မှန်းချက်ကိုပြောပြပါ။
ရည်မှန်းချက်ကြီးကြီးထားတာက အမှားမရှိပါဘူး။ အင်တာဗျူးမှာလည်း ကိုယ့်ရည်မှန်းချက်ကို ခပ်ကြီးကြီးပြောတာက တစ်ဖက်သား ကိုယ့်ကို သဘောကျစေတဲ့အရာပါ။ ရည်မှန်းချက်ကြီးသူတွေက အလုပ်ကြိုးစားတယ်လို့လည်း အဓိပ္ပာယ်ရတာမို့ ရည်မှန်းချက်မရှိပါဘူးဆိုတာမျိုးလို၊ ခပ်နိမ့်နိမ့်ရည်မှန်းချက်တွေမျိုးလို အဖြေတွေထက် ရည်မှန်းချက်မြင့်မြင့်ဖြေတာက ပိုကောင်းပါတယ်။
၆။ မျှော်မှန်းလစာကို ပြောပါ။
ဒီမေးခွန်းကိုတော့ ကိုယ်ပြောတဲ့ လစာက အရမ်းများသွားမလား စိုးရိမ်တတ်တာကတစ်မျိုး၊ ကိုယ့် မျှော်မှန်းလစာက အရမ်းများသွားရင် ကိုယ့်ကို မခန့်ဘဲနေမှာလားဆိုတဲ့ အတွေးမျိုးကြောင့် ဖြေရခက်လေ့ရှိပါတယ်။ တကယ်က မျှော်မှန်းလစာများလို့ မခန့်ဘူးဆိုတာ မရှိပါဘူး။ ကိုယ့်အရည်အချင်းကို ကြိုက်ရင် သူတို့တကယ်ပေးနိုင်မယ့် လခနဲ့ ကိုယ်လိုချင်တဲ့လခကြားက အဆင်ပြေမယ့်လခကို ညှိနှိုင်းပေးပါတယ်။
၇။ အခုလျှောက်တဲ့ရာထူးကို ဘာကြောင့်စိတ်ဝင်စားတာလဲ
ဒါဆိုရင်တော့ ဒီရာထူးကို ကိုယ်ကဝါသနာပါတယ်။ ဒီလိုအလုပ်မျိုးဆိုရင် စိတ်ဝင်စားတယ်။ ကိုယ်ကောင်းကောင်းလုပ်ပေးနိုင်မယ်၊ ကုမ္ပဏီကို ကောင်းကောင်းအကျိုးပြုနိုင် မယ် လို့ မျှော်လင့်တယ်ဆိုတာမျိုး ဖြေလို့ရပါတယ်။
၈။ သင်ယူလေ့လာရတာကို နှစ်သက်လား၊ ဘာကြောင့်လဲ။ ကိုယ့်ဘာသာကိုယ်ရော ဘယ်လိုသင်ယူလေ့လာတတ်လဲ။
ဒါကလည်း အရေးပါတဲ့ မေးခွန်းပါ။ ဝန်ထမ်းတစ်ယောက်ဟာ သင်ယူလေ့လာလိုစိတ် နည်းပါးရင် တိုးတက်လိုစိတ်နည်းတယ်လို့ သတ်မှတ်လေ့ရှိပါတယ်။ ဒါကြောင့် ကိုယ်ဘယ်လောက် သင်ယူလေ့လာမှုကို နှစ်သက်ကြောင်း ထိထိမိမိဖြေကြားပေးပါ။ ကိုယ့်ဘာသာ ဘယ်လိုသင်ယူလေ့လာဖြစ်လဲဆိုတာမျိုးကိုတော့ စာဖတ်တယ်။
အင်တာနက်ကနေ လေ့လာတယ် အစရှိသဖြင့် ဖြေလို့ရပါတယ်။ အချို့ကလည်း ဒီမေးခွန်းကို စာဖတ်ဝါသနာပါလား လို့မေးလေ့ရှိပါတယ်။ သွယ်ဝိုက်သောနည်းနဲ့ မေးတယ်လို့ ဆိုရမှာပေါ့။
၉။ အများနဲ့တွဲပြီး အလုပ်လုပ်ရတာ အဆင်ပြေမယ်ထင်လား/ ပေါင်းသင်းဆက်ဆံရေး ကောင်းမွန်သူလား / ခင်မင်ရင်းနှီးသူဘယ်လောက်ရှိလဲ။
ကုမ္ပဏီအလုပ်၊ ရုံးအလုပ်ဆိုတာ အများနဲ့ လက်တွဲပြီးလုပ်ရတဲ့ အလုပ်တွေမို့ ပေါင်းသင်းဆက်ဆံရေးမကောင်းတဲ့သူ အများနဲ့တွဲပြီး အလုပ်မလုပ်တတ်သူတွေအတွက် အဆင်ပြေမှာ မဟုတ်ဘူးလို့ အလုပ်ရှင်တွေက သတ်မှတ်ကြပါတယ်။ ဒါကြောင့် ကိုယ်က ပေါင်းသင်းဆက်ဆံရေးကောင်းမွန်တဲ့သူဖြစ်တယ်ဆိုတာ ပြဖို့လိုအပ်ပါတယ်။
၁၀။ ကိုယ့်ရဲ့ အားသာချက်အားနည်းချက်တွေကို ပြောပြပါ။
ကိုယ့်အားနည်းချက်တွေကို ဖြေတဲ့အခါ အလုပ်ရှင် စိတ်ပျက်သွားမှာကိုလည်း ကြောက်ဖို့မလိုပါဘူး။ ဒီနေရာမှာ ပွင့်ပွင့်လင်းလင်းဖြေဖို့ အရေးကြီးတယ်လို့ ပြောလို့ရပေမဲ့ ကိုယ့်အားနည်းချက်မှန်သမျှကိုတော့ အိတ်သွန်ဖာမှောက်ပြောဖို့ မလိုပါဘူးနော်။
source: For Her Myanmar