ကနေဒါနိုင်ငံမှ ပေးအပ်မယ့် “2030 Agenda for Sustainable Development 2018-2019 Academic Year Canada-ASEAN Scholarship and Educational Exchange for Development (SEED)” ပညာသင်ဆုကို ဘွဲ့မရသေးတဲ့ တက္ကသိုလ် ကျောင်းသားများပါ လျှောက်ထားနိုင်တယ်လို့ ကုန်သည်စက်မှုအသင်းချုပ်က သိရပါတယ်။
ပညာသင်ဆုအစီအစဉ်မှာ ဘွဲ့မရသေးတဲ့ တက္ကသိုလ်ကောလိပ်ကျောင်းသားများအတွက် ပညာသင်ကာလ (၄)လမှ (၈)လအထိ သတ်မှတ်ထားပြီး ဘွဲ့ရရှိပြီးသူတွေအတွက် ပညာသင်ကာလ (၄) လမှ (၆) လအထိ သတ်မှတ်ထားတယ်လို့ သိရပါတယ်။ ရွေးချယ်ခြင်းခံရပါက ပြည်ဝင်ဗီဇာကြေး၊ ပညာသင်/အလုပ်ပါမစ်ကြေး၊ လေယာဉ်လက်မှတ်ခ၊ ကျန်းမာရေးအာမခံနဲ့ နေထိုင်စားသောက်စရိတ်တို့ကို ကနေဒါနိုင်ငံခြားရေးဝန်ကြီးဌာနက ကျခံပေးသွားမှာဖြစ်တယ်လို့ သိရပါတယ်။
Recommended for you - သင်ရဲ့ မအောင်မြင်ခြင်းက ဘယ်သူ့မှာတာဝန်ရှိသလဲ
ပညာသင်ဆုတွေကို သတ်မှတ်အရည်အချင်းများနဲ့ ကိုက်ညီတဲ့ ကုန်သည်စက်မှုအသင်းချုပ်ဝန်ထမ်းများ၊ ညီနောင်အသင်းများမှ ဝန်ထမ်းများ၊ ကုန်သည်စက်မှုအသင်းချုပ် အသင်းဝင်ကုမ္ပဏီများရဲ့ အဖွဲ့ဝင်များ (သို့) ဝန်ထမ်းများ လျှောက်ထားနိုင်ပါတယ်။ လျှောက်ထားလိုသူတွေအနေနဲ့ သက်ဆိုင်ရာ Website ဖြစ်တဲ့ ဒီနေရာမှာ ဝင်ရောက်လေ့လာနိုင်ပြီး အသင်းချုပ်ရဲ့ခွင့်ပြုချက်နဲ့ လျှောက်ထားရမှာဖြစ်တယ်လို့ သိရပါတယ်။
ပညာသင်ဆုလျှောက်ထားလိုသူတွေ အနေနဲ့ ခွင့်ပြုချက်ရယူလိုပါက အသင်းချုပ် အမှုဆောင်အရာရှိချုပ်ထံ လိပ်မူပြီး ကိုယ်တိုင်ရေးလျှောက်လွှာ ၁ စောင်၊ ဓာတ်ပုံ ၃ ပုံ၊ အသင်းဝင်ကတ်မိတ္တူ၊ မှတ်ပုံတင်မိတ္တူတို့ကို ပူးတွဲပြီး အသင်းချုပ်နှင့် ညီနောင်အသင်းများမှ အမှုဆောင်/ဝန်ထမ်း၊ အသင်းဝင်ကုမ္ပဏီများမှ အဖွဲ့ဝင် (သို့) ဝန်ထမ်းဖြစ်ကြောင်း ထောက်ခံစာတို့နဲ့အတူ ဧပြီ ၁၇ ရက်ထက် နောက်မကျဘဲလျှောက်ထားရမှာ ဖြစ်တယ်လို့ သိရပါတယ်။ အသေးစိတ်သိရှိလိုပါက HRD ဌာန၊ ဖုန်းနံပါတ် ၀၁-၂၃၁၄၃၄၄ ~ ၄၉၊ လိုင်းခွဲ ၁၃၃၊၁၃၄ ကို ဆက်သွယ် စုံစမ်းမေးမြန်းနိုင်ပါတယ်။
အင်္ဂလိပ်စာကို အခြေခံမှစပြီး ကျွမ်းကျင်စွာ တတ်မြောက်သည်အထိ သင်ယူချင်ပါသလား။ IELTS စာမေးပွဲကို အကောင်းဆုံးဖြေဆိုအောင်မြင်ချင်ပါသလား။ Sayar.com.mm တွင် ရှိသော ဆရာ ဆရာမ များနှင့် ဆက်သွယ်လိုက်ပါ။
သင်ကိုယ်တိုင်က ဆရာတစ်ယောက် ဖြစ်နေလျှင် ကျွန်တော်တို့နှင့် လက်တွဲဖို့ ဖိတ်ခေါ်လိုက်ပါရစေ။ အခမဲ့ register လုပ်လိုက်ပါ။
Source: InternetJournal
